Əbədiyə ətr

Əbədiyə ətr

Zeynəbe-Kubra çe izzəti mıcəssəməy.çoko ki,Huseyn ibn Əli(ə) Kərbəloədə və Aşurə ruji çe izzət iyən şərəfi mıcəssəməy.çəy bə hodisəon bıə nəzə de cokəson farğ kardedə.de qırd ım mısibəton bə ico,dışmen əy şəmotət kardə zəmonədə,votedə:”Ma raeytu illa cəmila:Harçim vinde ğəşənq be:doğ be.əmmo Xıdo royədə be,bo İslomi mıhofizə xoto be,iqlə cərəyoni icod kardey be,torıxi dırozi tosə islomi umməti bıfamon ki,kom ko bəpe kardey bıbu,çokonə bəpe hərəkət kardey bıbu,çokonə bəpe bımando.ın dıjdə ko Zeynəbiyə ğəhrəmonətiye.ım çe Xıdo evliya izzət iyən şərəfe.Zeynəbe-Kubra Xıdo evliyaonkuye.çəy izzət çe İslomi şərəfe.İslomış əziz karde,Ğıronış əziz karde.çəmə həlbəttə jəqo qıləy iddiyomon ni. Çəmə həmonə himmət və səyonımon ni ki,bıpyimone bıvotəmon,çın yolə banu rəftor boəmə ulquye.əmə çın sıxanonku vey hırdimon.əmmo ha holədə bəpe çəmə hərəkət çe Zeynəbi hərəkəti cəhətədə bıbu.bəpe çəmə himmət və cəhdon,çe İslomi şərəf və İslomi camiyə izzəti bıbu. həmonə kəs ki,Mıtəolə-Xıdo de dini hukmi iyən de pəyğombəron şəryəton mığərrər və təyinış kardə...

Çımı əzizon,çımı hovon iyən bıvon!çəmə inğılob jıləvoni bənav şe.çın inğılobi ğudrət iyən əzəmət de ın çiyone:bə mənəviyyoti dıl dəvastey,İlahi lutfi mığobilədə cəzb bey.qıləy zəmon ki,dışmeni piyeşe Zeynəbe-Kubra bəçəvon sə omə çiyon xoto şəmotət və mızəmmət kardedə,hamyedə:” Ma raeytu illa cəmila:ğərəz reçinəti co qıləy çim nıvinde.çəy bıvon,çəy fərzəndon,çəy nezə odəmon iyən duston,ımon çe dışmeni çəşon mığobilədə tikə-tikə bin,bəştə xuni ğəlton bin,çəvon xunon ru kardey be,çəvon səon bəsə nizəonsə jey be.votedə Cəmil,ğəşənq!ım çe curnə ğəşənqətiye?.de ın reçinəti bə ico bıbən de nəğl bıə çiyon ki,Zeynəbe-Kubra hətto yonzəminə şəvədə ıştə şəvi nımojış tərk nıkarde.çe əsorəti devroni dırozi İlahiku bırniye,bə Mıtəolə-Xıdo dıl dəvastey,de Mıtəolə-Xıdo ıştə rabitəş sıst nıkarde,kamış nıkarde,bəlkəm vey be.ın banu nımunəy.çəmə camiyədə çın həyğtiku bıə həmonə tıləon iyən hırdə çiyon,çəmə inğılobədə mevcude,bə ın inğılobi qıləy əzəmətış baxşə.həmonə çiyon ki,de dışmeni kuyə çəşon,İroni millət de qırd ın dışmenətiyon,ımruj bənə qıləy ilhombaxşə çehrə,çe milləton mığobilədə ğərol doəşe.İroni millət ımruj bənə qıləy ilhombaxşi çe mısılmonə milləton miyone.həlbəttə dışmenon ımi pəsənd kardedənin,səy kardedən ımi niyon bıkon.əmmo çe məsələ həyğət ıme....

Zeynəbe-Kubra bəyonotonku baği mandə iyən çəmə dastrəsədə bıə çi,çe Zeynəbe-Kubra hərəkəti əzəməti nışon doydə.Zeynəbe-Kubra Kufə çe viro benışə xutbə,qıləy addiyə qəp jemon ni,çe qıləy yolə şəxsiyyəti addiyə sıxanon nin.bə devrədə çe İslomi camiyə vəzyətiku qıləy dıjdə təhlile ki,de vey çokə kəlməon iyən de vey nığıl və vey qəncinə məfhumon həmonə şərayitədə bəyon bıə.çe şəxsiyyəti zu bıvindənən.çanədə ın şəxsiyyət zumande.dı ruj bənav qıləy biyobonədə çəy bıvə,çəy imom,çəy rəhbərış deçəy həmmə əzizon,cıvonon iyən fərzəndon və ımonışon çe miyoniku barde.ın cəm çandə da nəfərinə jenon iyən hırdənonış əsir karde,vardeşone çe mərdumi çəşon vədə,çe əsorəti şaturi peyo,millət omin bo təmşo kardero,bəziyon helhelə kardeşone və dastəqəkoşon je,kaliyon həm bəmin və ğəmin bin.jıqo qıləy behroni və kritikə şərayitədə ğəflətən,ın əzəmətinə həşi peme.həmonə ləhn iyən toniku oko doydəbe ki,çəy dədə Əmirəl-Muminin Həzrət İmom Əli(ə) bəsə xilofəti mibərisə ıştə umməti mığobilədə istifodə kardedəbe.hejo jəqo qəp jeydəbe...

De həmonə cur kəlməon,de həmonə fəsohət iyən bəloğəti,de həmonə barzə məzmun və məno:Ya əhləl Kufə,ya Əhləl ğədəri vəlxətəl:Ha hiyləqəron ha!,ha zohirədə ıştəni nışon doə kəson ha! şımə bovəon karde ki,çe İslomə dini iyən Əhlı-Beyti(ə) tərəfdoriyon.əmmo çe imtovoni vaxti jıqo kamon varde,fıtnədə jıqo kuyəti nışonon doe.”Həl fikum...şımə rəftoron,şımə zıvonon deşmə dılon yekson iyən i nıbe.bəştə məğrur biyon,şımə xəyolon karde ki,imonon heste,şımə xəyolon karde ki,inğılobiyon,şımə xəyolon karde ki,çe Əmirəl-Muminin Həzrət İmom Əli(ə) tərəfdoroniyon.qıləy holədə ki,çe məsələ həyğət ım nıbe.de fıtnə mıborizə ehdəku omey nızıneyone,ıştənon nicot doey nızıneyone. ”Məsəlukum....bənə ə kəsi biyon ki,paşmə rışteydə,əy bə pambə təbdil kardedən və peşo həmonə toğon ijən oj kardedən,bə həmonə paşmə iyən nırəsə pambəon təbdil kardedən.de qıləy be bəsirəti,de fəzo nızıney,de həxı çe botıliku co nıkardey,ıştə kardə koon,ıştə dəvardəyonın botılon karde.Zohir,çe imoni zohir,qəv de inğılobi iddiyo,əmmo botın,puçə botın,çe mıxolifə vo mığobilədə bıə bemığovimətə botın.ım,Patoloqiya və ziyonşınosiye....

Çəmə inğılob Zeynəbiyə inğılobe.çe inğılobi sıftəku jenon bın inğılobədə barzə rolışon ifo kardə.həm çe inğılobi dıjdə hodisəon ıştənədə və həmən həşt sornə Mığəddəsə Mıdofiyə vey dıjdə hodisəonədə çe moon,çe jimoni həmroon rol çe mıcohidon rolisə vey sanqin iyən vey dardnok və vey təhəmmultələbəkə həm həm nıbu,yəğınən kam həm nıbe.qıləy inə ki,ıştə cıvonış,ıştə əzizış,18 sornə-20 sornə və ya çımonsə bəkam və ya vey ıştə perosnə vılə dastəş,de həmonə bənə moə bıə məhəbbəti əvış bə səmər rosnəşbe,ısət əy bə canqi məydoni səmt vığandeydəbe ki, məlum ni hətto çəy cəsəd oqardo ya ne?.ım komco,ın cıvoni ıştən şey bə kom vırə?.çok,ım cıvon de cıvonəti həyəconi və təbi iyən de imon iyən inğılobi əhvol-ruhiyyə,hərəkət kardeydə və şeydə.çın moə ko,çın cıvoni koysə vey dıjd həm nıbu,vey hırd həm ni.peşo həm ki,çəy cəsədi oqordıneydən,iftixor kardedən ki,çımı hırdən şəhid bıə,ımon kamə çiyonin?.ın,jenə hərəkət çəmə inğlobədə bənə Zeynəbi hərəkəti be...

Həm hodisə ıştənədə və həmən hodisə dəvomədə,atifə iyən emosiya qıləy təyinəkə rolış icod kardə ki,boyis bıə çe Aşurə cərəyoni və Şiyə cərəyoni de coqlə cərəyonon miyono marz pəydo bıbu.Aşurə hodisə qıləy hışk iyən sırfən istidloli hodisə ni,bəlkəm həmonə atifə iyən emosiyədə de eşğ,məhəbbət, tərəhhum iyən bəmey bə icoye.çe atifə iyən emosiyə ğudrət,qıləy dıjdə ğudrəte.liza bəmə bo bəmey,bovney iyən hodisə şərh kardeyro əmr kardedən. Zeynəbe-Kubra(s) Kufə iyən Şamədə de məntıği qəp jeydəbe,əmmo mərsiyə handeedəbe.Həzrət İmom Səccod(ə) çe Şami minbərisə de həmonə izzət iyən ğoyməti bə Uməvi hukuməti sə ekkuyedə.əmmo mərsiyə handedə.ın mərsiyə handey tosə ımrujnə ruji dəvomış pəydo karde və bəpe de tobə əbədiyyəti ım ko dəvom pəydoko ta emosiyəon dığğət bıkon.atifi atifə iyən emosiyə fəzoədə və çe eşğ iyən məhəbbəti sferadəy ki,ziyodə həyğəton famey bəbe ki,çın fəzoku xaricədə ımi dərk kardey nibəbe....

Zeynəbe-Kubra(s) çe torıxiku qıləy barzə çehrəy ki,çe qıləy jeni əzəməti çe torıxi məsələon muhimmə qıləyniye nışon doydə.ısət votey bıbu Aşurədə,Kərbəlo hodisədə xun bəsə şımşisə səbarz ome-ki,həyğətən ğalib ome-çın ğələbə amil-Həzrəte Zeynəb be.və illah xun Kərbəloədə təmom əbi. hərbi hodisə de həxə ğıvvon zohiri Aşurə ərsəonədə bə oxo rəse.əmmo bə zohiri məğlubiyəti boyis bıə çi,bə dayimiyə ğətiyə səbarzəti təbdil əbi,çe Zeynəbe-Kubra(s) şəxsiyyət və xarakteriku iborət be:qıləy rol ki,Həzrət Zeynəbi bəştə ehdəş peqətəbe,ım qıləy xeyli muhimmə çiye.ın hodisə nışonış doe ki, jen çe torıxi kənonədə ni.jeni çe torıxi muhimmə hodisəon mətn iyən bətnədə ğərolış qətə.Ğıron həm veyə vıronədə bə ın nuktə işorə kardedə.lakin ım bə nezə torıix ayide,bə dəvardə milləton məxsus ni.iqlə bəyji iyən hiss kardənin bıə hodisə ki,inson Zeynəbe-Kubra(s) mışohidə kardeydə ki,de qıləy dəvəşə iyən əcibə əzəməti ərsədə zohir beydə.qıləy ko ki,qıləy dışmen ki,zohirədə Hərbi kampaniyada ğalib omə ıştə mıxolifonış ğətlı-amış kardə və bəsə səbarzəti taxtisə təkyəş kardə,ıştə hakimiyyəti kreslo iyən ğudrəti məğərrədə,ıştə rəyisəti sarayədə,təhğır iyən zəlil beydə.çe bearəti əbədiyə doği bəçəy çəkuti jeydə və əy bə məğlubiyyəti təbdil kardedə.ım çe Zeynəbe-Kubra(s) koye.Zeynəbe-Kubra(s)nışonış doe ki,jenonə hicob iyən iffəti bə qıləy mıcohidonə izzəti və bə qıləy dıjdə cihodi təbdil kardey bəbe...