Əbədiyə ətr

Əbədiyə ətr

Əqər çoko ki,ın sabitğədəməti iyən mığovimət kardey,de ağl iyən məşvərəti bə ico bıbu-joqo ki,Ğıronədə mevcude-“Əmrəhum şura beynəhum”-hukmən səbarzəti nəsib bəbe.bandə,de ğətiyyəti ərz kardedəm ki,İroni millət qıləy səbrəkə milləte.əvon nışonışon doə ki,çəvon səbrışon heste.əmə məsul şəxson həlbəttə,qahi vaxti betovinətimon kardə,əmmo milləti ne.mərdum komilə surətədə səbrışon kardə.ım çıl sor boəmə ruşinə tərzədə çın məno nışonəy. çəmə ıştəni bənə ruşinfikon nışon doə kəsonku bəziyon məələsəf ıştəku betovinətişon nışon doə.çəvonku kali qıləyni besəbrətişon bə de dışmeni həmkoəti iyən həmzıvonəti marzon rosnəşone.həlbəttə,bəziyon ın cur bıən.çəy mığobil noxtə həm muminə cıvononin ki,Əlhəmdulillah çəvon ədədə ziyode və rujbəruj həm inşaallah vey ziyod beydə. fərhənqi ərsədə,elmi ərsədə,texnoloqiya ərsədə,siyosəti ərsədə,beynəlxalğə məsələon fameyədə-yəni beynəlxalğə məsələon dırıstə dərk bıkon iyən bıfamon-çəy mığobilədə ın cıvonon həm heste ki,ərzım karde ki,Əlhəmdulillah rujbəruj vey ziyod beydə.çən,səbr kardey yəni təslim nıbey,bə zəyfəti dıço nıbey,bə şəkki dıço nıbey,de ağl iyən şucoəti çe dışmeni navi qətey iyən dışmeni məğlub kardey ki,bın zəmon Kərimə-Ğıronədə hamyedə:”İn yəkun... Şıməku da nəfər de sa nəfəri və vist nəfər şıməku deçəvon dı sa nəfəri dimbədim omey iyən ğalib omey bəzıneyon.ım qıləy şərayitədəy.qıləy şərayitədə da bərobər,qıləy şərayitədə dı bərobər,şımə deəvon dimbədim omey bəzıneyon....

Ha çımı əzizon ha!çımı nımojəvotə bıvon iyən hovon ha! çe ixlosi bərəkətış heste.harco ixlos bıbu,Mıtəolə-Xıdo bəştə ixlosinə bandəon ixlosi bərəkət bədoe,ko bərəkət pəydo bəkarde,ruşd iyən ozavziye pəydo bəkarde,ko qıləy tərzədə bəbe ki,çəy təsiron bə həmmə kəson bərəse,çəy bərəkət çe mərdumi miyono baği bəmande.ım çe ixlosiku nəşət seydə.həmonə ixlosi nəticə,həmonə çe mərdumi eşğ iyən bəfodorəti,həmonə çe mərdumi ars iyən ahon,həmonə çe mərdumi huzur iyən iştirok,həmonə çe mərdumi inğılobi əhvol-ruhiyyə tojə bey.əmmo ısət əmə boəmon ın hodisəon təğvimkəmon,bəy ğıymət bıdəmon,çəvon ğədri bızınəmon iyən bıvindəmon ki,çın hodisəon əndozə iyən ğıymət çanədəy.bəvədə təhəğğuğ pəydo bəkarde iyən real bəbe ki,əmə bə Hoci Ğasım Suelymoni-azizə şəhidi və bə Əbu Məhdi-azizə şəhidi-bənə qıləy fərdi çəşi nəzə nıkəmon.bəpe bəvon bənə qıləy məktəbi nəzə bıkəmon.bəçəmə azizə şəhidə sərdori de qıləy məktəbi çəşi,qıləy ro,qıləy dərs omutə mədrəsə,de ın çəşi odyəsəmon,bın vaxt çın ğəziyyə əhəmiyyət ruşin bəbe.çın məsələ ğədr iyən ğıymət ruşin bəbe.Ğudsi Sepah sırfən bənə qıləy məcmuə iyən idori təşkiloti unvoni məvindəmon.bəlkəm bənə qıləy insoni onemoni unvoni,bənə bə dıjd iyən ruşinə motivasiyoan malik insoni ubvoni,mışohidə bıkəmon....

De mazq iyən məzmuni pur bıə qıləy ayə-bənə Kərimə-Ğıroni coqlə ayəon-İbreymi surədəy.ımruj çımı bəhs çın ayə iyən çın ayə bəpeşt bıə peşonə ayəon ətrofədəy.hamyedə ki,”Və ləğəd ərsəlna Musa...tevsiyə kardedə,əmr kardedə bə Həzrəte Mosə(ə) ki,”Zəkkirhum biəyyamillah”.”Zəkkirhum biəyyamillah”-i mənoədə dıqlə ehtımol heste ki,çəmə bın ayədə bıə məğsədiku farğ kardedəni.iqlə ehtımol ıme ki,de Əyyamullah vəsilə Xıdo,dini,ğıyoməti bəçəvon yod biyə.Əyyamullah əhəmiyyət iyo məlum beydə ki,İlahi şə`nış yol bıə pəyğombər Mosə(ə) məmure ki,Əyyamullah bə mərdumi yod biyəy.peşo hamyedə:”İnnə fi zalikə...Əyyamullah ayən,nışonən.bo kom kəsi?bo ə kəson ki,dıqlə sıfətışon heste:Səbbar(səbrəkə) iyən Şəkur(şukrəkən).Səbbar yəni ikəs ki,səyku bəpo de istiğomət iyən səbriye, dayimən çe səbr iyən istiğoməti əhle.Şəkur yəni ə kəs ki,neməti zıneydə iyən çəy şukri bə vırə rosneydə...

İslomi inğılobi xeyli rişəş heste,xeyli zumande,xeyli ğoymə sutunış heste və Mıtəolə-Xıdo həm çəmə himoyədore.çoko ki,mı çandə kərə çe İmomi(r) sıxaniku nəğlım kardə ki,hamyedəbe:Az çe sıftəku ki,bə ın ğəziyyə daxil bimon,vindeme-ya hissım karde-iqlə ğudrəti dastış heste koon bənav bardedə.həyğətən ın cure və ımi ə həzrəti bəmı hamyeşe.inson ın İlahi ğudrəti dasti vindedə.həlbəttə çın İlahi ğudrəti dasti deəmə qıləy ğohumətiş ni,-“mən kanə lillah...-“in tənsurullah...-vələyənsurənəllah...-bəpe çın roy xıdmətədə bıbəmon.xolisonə,çiçımon heste biyəmon bə məydon və bo ın roy təğdım bıkəmon.ıştə ko iyən səyon bo ın roy təğdım bıkəmon.Mıtəolə-Xıdo həm təfəzzul bəkarde,lutf bəkarde.ımruj həm həmonə ko bıə iyən Mıtəolə-Xıdo təfəzzulış kardə iyən dışmeni sığ bəçəvon ıştən tərəfi oqardə. çəvon ğandə tiy hejo bəçəvon səmt şeyə...

Pəyğombəre-Ə`zəmi(s) barədə Kərimə-Ğıronədə çandə qılə ayəon mevcude.çın ayəonku kali qıləyni de bəşəri ısətnə vəzyəti qıləy ruşinə tənosıbış heste ki,qıləy vaxt inson həmonə ayəon handedə,vindedə kə ənnəhu həmonə ımruj iyən bo ımrujnə bəşəri nozil bıə.iqlə ayə,qıləy şərifə ayəy ki,Bəroəti surədə omə:”Ləğəd caəkum rəsulun...-ki,ın dıqlə sıftənə cumlə bə həmmə bəşəri uzvon ayide.çoko ki,coqlə ayədə həm jıqo hamyedə:”Ya əyyuhənnasu inni...Həmmə bəşər çe pəyğombəri(s) mıxotəbe.ın dıqlə cumlə,dıqlə cumlə xeyli muhimme:”Əzizun ələyhi ma ənittum”:Şımə bəşəri həmmə qıləyni renc iyən əziyyəton bo Pəyğombəre-Ə`zəmi(s) qon omeydə iyən ə həzrət şımə renconku rəncidə beydə.peşonə ayə:”Hərisun ələykum”-boşmə dılış sutedə,bəşmə nisbətədə şevğış heste.şımə taleyku norohəte.ım bə bəşəri həmmə qıləyni xitobəne.ımrujnə bəşəri camiyə çın xitobi misdoğ iyən nımunəy.yəni çın xitobi de ımrujnə bəşəri camiyə vəzyəti ziyodə tənosıbış heste.həyğətən votey bəbe ki,ımrujnə bəşər çe torıxi həmmə zəmononsə ziyodə bə rencon dıço bıə.çok,nobərobərəti mevcude.canq heste,canqtələbəti heste,ifrotiyə maddi pərəstəti heste ki, torıxi devrəonədə kam jıqo çe bəşəri har qıləyni miyono de ın şiddəti maddi pərəstəti hisobot mevcud bıə.bo milləton etosnero çe elm iyən texnoloqiyaku oko doey...