Suriyə rəsmiyə mənbəon xəbəşon doə Amerkə işğalqərə ğıvvonku coqlə qrup İraği sərhəddə Əlvəlid nomo bıə ğeyre ğanuniyə royku bə Suriyə ərazi daxil bən.
İraği parlamentədə bıə Bədr nomo partia rəis takidış karde ki İrağ ıştən ərtış və həşduşşəbi ğıvvonış heste və bo ım kişvəri əmniyəti oqəteyro həni bə co xarıci ğıvvon ehtiyociş ni.
İraği muxtəlif cərəyanon dəvəti bəpeştə cumə ım kişvərədə anti Amerkə yolə etıraz aksiya bərpo bəbe.
Əfğanistanı cənub hissədə,Amerkə terroristə hərbiyə maşini roədə noə bə bomba tıpe nəticədə 2 qılə Amerkəvıjə terroristonku bə həlokət rəsedən.
İraği xarıci vəzir təkidış kardə: İraği dıvlət İrağədə Amerkə hərbion huzuri pidəş ni.