koronavirus Qilonış bə tənq varde.

Qiloni tib elmon universiti sıxənəvot votışe: 920 nəfər korona noxəş çı Qiloni noxəşxonəonədə oloxtoniyəşone.

Bə İRİB raporti əsos, Qiloni tib elmon universiti sıxənəvot ımruj votışe: 920 nəfər korona noxəş çı Qiloni noxəşxonəonədə oloxtoniyəşone ki 136 nəfər dəvardə 24 saəti mıddətədə bə ım miğdori izofə bıən.

Doktor Fərdin Mehrabiyan ım məsələ bəyonış karde ki 155 nəfər korona noxəş çı Qiloni oqətə vırəonədə oloxtoniyəşone və votışe: co 24 nəfər dəvardə 24 saəti mıddətədə bə bevəcə vəziyəti xoto bə reanimasiya baxşi bardəşone.

Əv əlovəş karde: 170 nəfər korona noxəş çı Qiloni noxəşxonəonədən ki hol-əhvolışon çok ni və bədholə vəziyətədən.

Doktor Mehrabiyan votışe: ın nuktə əhəmiyətəş bəbe ki səhiyyəvi protokolon rioyət karde de ın virusi mubarizə barde yeqanə roye iyən cəmaət bəbe iştimaiyətədə fasiləon rioyət kon, cəm bıə vırəonku diyəro bımandon, ım noxəşi sodə nıqətən və mask bıjənon.