Tolışədə muminanə humanitarə koməkon dəvom.

Zinə de İmom Rıza(ə)-i şəhodətə ruji həmzəman, 420 qılə ərzağ pəketon çı Tolış şəhri ehtiyocinə şəxson miyono baxş bıə.

Bə Qiloni Tele-Rədio raporti əsos, Tolış şəhri cımə imom de ın xəbə elami votışe: 420 qılə xorək iyən təhsil vəsiləonku şomil bıə ərzağ pəketon de İmom Rıza(ə)-i şəhodətə ruji həmzəman, çı Tolış şəhri ehtiyocinə ailəon miyonədə təğsim be.

Huccətul islom vəl muslimin Nurzad əlovəş karde: həminə pəketon erj 300 milyon tımən be ki de Sepah, Bəsic, Rəzəvi xidmətərosnə mərkəz, İmom Xomeyni(r) əmri icraəkə ğərorqoh iyən co xəyyeron koməki hozzı be.

Zinə həmçenin 70 qılə ərzağ pəketon çı Kərqanrudi tolışə məntəğə ehtiyocinə şəxson miyono baxş bıə.

Kərqanrudi cımə imom həminə pəketon təğsim kardey mərosimədə votışe: muvasat iyən həmdıləti nomo muminanə koməkon humanitarə kompaniya dəvomədə 70 qılə ərzağ pəketon de 28 milyon tımən erji ın məntəğə ehtiyocinə ailəon miyono baxş bıə.

Huccətul islom vəl muslimin Fəllah əlovəş karde: həminə pəketon de Sepah iyən İmom Xomeyni(r) əmri icraəkə ğərorqoh koməkon vositə hozzı bıə.