Qilonədə Koronavirusi vəziyət stabil mandəy.

Qiloni noxəşxonəonədə Koronavirusi noxəşon oloxtoniye ijən kam be.

Bə Qiloni Tele-Rədio raporti əsos dəvardə 24 saəti mıddətədə 38 nəfər Koronavirusi noxəş bə Qiloni nəxəşxonəon izofə bıə ki ijən noxəşon kam beyku hikoyət kardeydə.

Qiloni tib elmon universiti sıxənəvot bə Qilonədə Koronavirusi şərayeti stabil mandey işorəş karde iyən votışe: ostani noxəşxonəonədə bıə koronavirusi noxəşon miğdor bə 239 nəfər rəsə.

Fərdin Mehrabiyan Qilon ostani şahrvandonku 92 faiz anti Korona vaksinasiya beyku xəbəş do və noxəşon oxonə statestika barədə izhorış karde: tojədən 4 nəfər bə korona virusi mıbtəlo bıə noxəşi bə reanimasiya baxşi bardəşone iyən 58 nəfər Korona mıbtəlo bıə bədholə noxəş həm Qiloni noxəşxonəon xususi oqətə vırəonədə oloxtoniyə bıən ki 55 nəfəri vəziyət iyən hol-əhvol çok ni.

Qiloni tib elmon universiti sıxənəvot ijən işorəş karde ki virusi nəticəədə mardə kəson kam bey yeqanə roy vaksinasiyae, çən Qilonədə vey mərkəzon bo ın ko nəzər dəqətə bəy.

Mehrobiyan votışe: şahrvandon bəpe Koronavirusi təhdidi məhv kardeyro həm səhiyəvi protokolon ciddi rioyət kon və həm tam vaksinasiya bıbun.