Sardə ovonədə bıə moyəvonətiku Qilonıjon bəromə.

Proqnoz bıdə ki Qilonıjon ımsor Sardə ovonədə moyəvonətiku 40 milyard tımən bəromə kəsb kon.

Bə Qiloni Tele-Rədio raporti əsos, ın ostani moyəvonəti idorə muavin de həminə xəbə elani votışe: Qilonədə 825 ailə bə sardə ovonədə moyəvonəti fəaliyəti məşğulin ki proqnoz bıdə tosə sori oxo 5 həzo ton moy istehsol kon.

Həmid Rıza Təğinəsiri dəvomış do: Qilonıjə moyəvonon, sardə ovonədə istehsol kardə ın miğdor moyku təğribən 40 milyard tımən bəromə kəsb bəkan.

Əv dəvardə sorədə sardə ovonku moy istehsoli miğdori 3 həzo 700 ton bəyonış karde ki çəy erj 17 milyord tımən be.

Qiloni moyəvonəti idorə muavin çı Tolışə məntəğon sardə ovonku moy istehsol miğdori 1 həzo 403 ton elanış karde və votışe: ostani 440 qılə sardə ojə hovzonədə moyəvonəti əncom bıdə ki veyni Tolışədəy.

Ğey kardənine ki sardə ovonədə moyəvonəti çı Qiloni 16 hiktor ru, çolə, bicor iyən ojə hovzonədə əncom bıdə.