Nəmini Sepah nımoyəndəti ofisi rəsmi şəxs: Tirə manqi 8 minnə səçınədə bəpe ciqəmand və inğilobi İmomon royədə vıjniyə bıbu.
Huccətul İslom vəlmuslemin Əhədi, Ambon ya Ənbəron şəhri Cami məçitədə İroni prezdent və deəy bə ico bıə heyəti şəhodəti yolqətey mərosimədə votışe: prezdenti vıjniyero bəpe mudir və tədbirinə şəxsi intixob kəmon ta deşmoni vədə, muğavimət kardey bəpeşt, bızno kişvər və milləti problemon həl bıko.
Əv ijən əlovəş kardə: de diğğət bə kişvərədə mevcudə problemon, bəpe qıləy prezdenti intixob kəmon ki milləti miyonədə deşt iştiroki vositə, neziku çəvon problemon bıvindo ta bızno çəvon dard və qəmi kam bıko.
Nəmini Sepah nımoyəndəti ofisi rəsmi şəxs ijən bəyonış kardə: Ağaye Rəyisi, bə milləti xidmət kardey royədə şəhid be və ısət əvoni ki bə çəy ələyh hərəkət əkin bəpe peşmon bıbun.
Huccətul İslom vəlmuslemin Əhədi ijən əlovəş kardə: cari Tirə manqi 8minnə rujədə, deştə makzimum iştiroki vositə, qıləy loyiğ, inğilobi və viloyəti əmri itoət kardə şəxsi intixob bəkamon.
