Pars Today

Rusiya Federasiya Sverdlovsk viloyətədə 2002-minə soriku ha sor viloyətədə jiə mərdumon ruj de yolə əzmi ğeyd kardə bedə.Viloyətədə tosə 160 qılə mərdumi numayəndon jidən.

Çın mərdumon miyonədə tolışonən hıstin. 2012-minə sori iyo jiə toləşon bo istə təşkıilatşon onoe zınə. İyo dəvardə tədbironədə istə zu vışkiye çərçivədə təmsil bedən. Imsor həm vey tədbironədə təmsil be zınən. Sentyabrə manqi 7-də Miyonə Uralədə jiə mərdumon rujən məntəğə tolışə muxtariyyət dəvətin be. Tolışə Muxtariyyəti rəhbər Elşən Həsənovi  həmonə tədbirədə tolışə mərdumi tarıxe, zıvoni, fərhəqi barədə bə mehmonon məlumatış doə. Oxoyədə bo əvon tolışi iyən rusi zıvonədə şeyırış handə. Tədbirədə ğərəz tolışon əlidə mərdumi numayəndonən təmsil bən.