Vəkil bə DTX bardə be ro bə məhkəmə şikatış kardə
Vəkil bə DTX bardə be ro bə məhkəmə şikatış kardə
Vəkil bə DTX bardə be ro bə məhkəmə şikatış kardə
Vəkil bə DTX bardə be ro bə məhkəmə şikatış kardəAzərboyconədə vey ictimai-siyosi fəalon huğuğon mıdafiə kardə vəkil Fariz Namazli Devlət Əmniyyətə Xıdməti (DTX) koəkon tərəfo qətə be, bın onemonədə 3 saat nim damə kardə be anqıl bə məhkəmə şikatış doə. Bə vəkili şikati sentyabri 24-də Səbail Rayon Məhkəmədə de hakim Azər Tağıyevi sərdorəti diə kardə bəbe.Fariz Namazli avqusti 31-də saat 21.00 Boku kafeon qılıədə de istə duston bə ico bə fəxt DTX koəkon tərəfo qətə bə, əçe telefon peğətə bə. Əv, bə DTX bina bardə bə, 3 saat nim əyo oğətə bə peş, bə sentyabri 1- ovaştə şəv saat 00.30-də vadoə bə.Məştəne ıştə “Facebook” səhifədə pevolo kardə materialədə bın ko oşkoəti vardə Fariz Namazlı bəyonış kardə ki, DTX-də şoyd ğismədə ifadəş doə. Əmmo, konkret bə kon cinayət koy ro damə kardə be barədə nıvıştəş ni. Vəkil koy fəxt bə orəx rəşə bə peş hiç qılı əsos nıvardə, bə DTX bardə be, ımi faktiki bə dəstqirəti bərobər be iddioş kardə.Fariz Namazli bə məhkəmən DTX ın əməli bə ğanuni zidd hisob karde tələbi şikatış kardə. De vəkili sıxani, əgəm şoyd ğismədə damə kardəni bəni busə, navədə əv bın barədə məlumat səni be:" Çımı kafeədə be cekoncoşon zınə? Məvuji, bə çımı riz eqıniyən. De kon əsosi bə çemı şəxsi jimoni mudaxilə kardə bə? Mınşon navədə vanq kardə be, əşim ifodə ədem. Mınşon şoyd ğismədə damə kardə. Əmmo bə çımı vəynə kardəyon faktiki bə dastqirəti bərobəre”.DTX vəkili damə karde barədə hiç qılı məlumatış doə ni.
