Аfrika İttifoğ (АС) Аfrika Valyuta İnstitut (AMI) onoe eçınış qətə 

İnstitut ayəndəyonədə umumafrika mərkəzi bənk iyən valyuta soxte əsos bəbe.

Bın barədə ğəror Efiopiya paytoxt Əddis-Əbbabədə Afrika İttifoğe uzv keşvəron maliyyə vəziron vindemonədə ğəbul kardə bə. 
Joğo ideya tərəfdor,Qana prezident Con Mahama hisob kardə ki, valyuta instituti soxte Afrika zumand iyən suveren karde roədə şodoə vocib qəme. De çəy sıxani, dollor iyən avro istifoda kardə afrika keşvəron valyuta məzzənnə ğeyri sobit beku əziyyət kəşedən. Vohid valyuta ticorətədə ziyodə xarçon bə kam, investesiyə cəlbi barz bəka. Ğərəz bımon, ~Аfrikа ıştə 29 fоnd birjə i birjə cəm karde eçınış qətə, ımən maliyə məsəlonədə vey işqilon çe miyono pebəğəte. De New Ghana nəşri nıvışte, kali mıtəxəsison bın eçıni mıvəvfəğ be şəkkinin. 
Bımi səbəbən, afrika keşvəron iğtosiyodiyyəti mıxtəlif be votedən: Niqeriya natiku, Кеniya – turizmiku ğəzənc kardən, kаli keşvəron iğtisodoyyətən vey bə jiye. Çəvon de i ğaydə bə roziəti ome mışqıl be iddio kardən.