Lavrovi bə Tırkiyə səfər

De RİA Novosti aqentəti doə xəbə Rusiyə Federasiyə Xarici Koon Vəzir Serqey Lavrov fevrali 23-də bə Ankara səfər omə.

Nav Тırkiyə səfəri Rusiyə Xarici Koon Vəzir Cənubi Afika respublikada G20-i vəziron konferensiyədə iştirok kardəş be. 
Konferensiyadə Lavrovi de Тırkiyə Xarico Koon Vəzir Hакаn Fidani vindemonış kardə, de əy Rusiya-Amerika Ukraynə barədə bardə muloğoton iyən suriyə məsələ barədə qəponış jə be.
Tırkiyə səfəri çərçivədə beynəlxalq vəziyyət iyən dı tərəfinə əlağon mızakirə karde çəş kardə bedə.
Lavrovi bə Тırkiyə səfər, ukraynə bə canqi oğəte qəpon iyən Moskova de Vaşinqtoni əlağon bə ğaydə eğande fonədə dəvardedə.
18 fevralədə Səudiyə Ərəbistonədə ukraynədə canqi oğəte ro Rusiyə-Amerika mulağaton dəvardə ruji, Ukraynə prezident Zеlenskiy bə Ankara səfər omə be.
De Zelenski bardə muloğaton bədiqə Tırkiyə rəhbər Таyip Ərdoğani, Тırkiyə bo ukraynə məsələ həlli ro Rusiya-Amerika dialoqi ro ideal vırə be bəyonış kardə be.
Rusiyə tərəf Tırkiyə bə ukraynə dastək be ro joğo muloğaton Tırkiyədə barde tərəfdor nıbe votəş be.