Azərboyconi navkonə səfir bə beəxloqəti ro dastqir kardə bə

Azərboyconi Britaniyadə bə navkonə səfir Rafael İbrahimov Çeşirədə reabilitasiya klinika 3 zənən koəkə vəynə beəxloqə hərəkəton kardeədə ittihom bə.

Azərboyconi navkonə səfir bə beəxloqəti ro dastqir kardə bəAzərboyconi Britaniyadə bə navkonə səfir Rafael İbrahimov Çeşirədə reabilitasiya klinika 3 zənən koəkə vəynə beəxloqə hərəkəton kardeədə ittihom bə.Bın barədə məlumot “Northwhitch Guardian”i tərəfo pevolo kardə bə.Hadisə 2023-minə sor dekabri 5-də navkonə səfiri klinikadə mualicə sə fəxt qınye ğeyd kardə bedə.Londoni Naytsbric əraziədə jiyə Rafael İbrahimov hıtə həbonku şıkrəti sındıneku mualicə ro bə klinika ovardə.Bə məhkəmə materialon əsos, İbrahimov həmon ruj sərxoş holədə bə, ıştənış aqressiv bardə, bə zənən koəkon muxtəlif bədən hisson qıniyə.Bə İbrahimovi 16 manq dastqirəti cəzo doə bə, əmmo, əv cəzo dərhol kəsəni ni. Əvəzədə cəzo bə 2 sor mıddət şərti doə bə. Bın 2 sor mıddətədə əlidə qılı cinayot bıko, bə nuə cəzo 16 manq mıddət dastqirəti cəzo ziyod kardə bəbe.Ğərəz bımon, 20 ruj reabilitasiya tədbiron və 200 saat ictimoi koon inziboti tanbeh cəzoş sə.Çəy nom 10 sor mıddətədə cinsi cinoyətkoron reyestrədə bəbe.Məqalədə ğeyd bə ki, Norveç və İsveçədə səfir vəzifədə ko kardə İbrahimov ponə sor penc cinsi təcavuz və i cinsi zorakiyəti cəhdədə taxsiş etirof kardə.Rafael İbrahimov 2001-minə soriku tosə 2013-minə sori Azərboyconi Yolə Britaniya, Norveç, İrlandiya, İsveç və Finlandiyada səfir bə.2014-minə sori səfir vəzifəku bə dumo vanq kardə bıboən, Londonədə jiyə. Im hiçən çe Azərboyconi diplomatik numoyəndon iminə joğo noloyiğinə, bə diplomati danimə hərəkət ni.