Tolışi Əsolımədə şəhid Kərim Rızazodə pıə bə rəhmət şey

Şəhid Kərim Rızazodə pıə, Hoci Yolçi osmoni bıə və bəştə şəhidə fərzənd umuj qınişe.

Pasdarə Şəhid Kərim Rızazodə pıə, Hoci Yolçi Rızazodə, bə sinni bəpe xoto bə rəhmət şə və bəştə şəhidə fərzənd umuj qınişe.

Im şəhidi pıə bədən Əsolımi ğəbıstonədə və çəy şəhidə fərzəndi kənoədə dəkondə bıə.

Şəhid Kərim Rızazodə, İslomi İnğilobi Sepah Təşkiloti əməliyoti informasiya baxşi subitə kadronku be.

Im buzurqvorə şəhid, 21 sorəti sinnədə və İrağədə bə şəhodət rəsə.