Azərboyconi çırkinə nat avropadə

Azərboyconi bə avropa çırkinə nat vığande səbəbiku italiya, britaniya iyən avstriya çəy natiku imtino kardəşon be

Azərboyconi çırkinə nat avropadəAzərboyconi bə avropa çırkinə nat vığande səbəbiku italiya, britaniya iyən avstriya çəy natiku imtino kardəşon be. Bın rujonədə rumıniyan azərboyconi natiku imtino karde elonış kardə.Rumıniya Enerji Vəzorəti azərboyconiku 2 tanker çırkina nat səy bədiqə enerji sahədə fevğaladə hol elonış kardə. OMV Petrom kompaniyə Tırkiyə Ceyhan portiku vığandə 92 həzo tоnn natış ğəbul kardə. In partiyə nat de оrqanik хloridon çırkin bə. Dəvonə analizon bə peş Petrom kompaniya 92 həzo tоnn natikuşən imtino kardə. Həmməyəvo 184 həzo tonn nati bə Petrobrazi nat emal zavod vığandə nıbe ğəror doə bə..Nati çırkin be səbəb Boku-Tbilisi-Ceyhan natə lulə operator, BTC Pipeline Company kali rezervuran pasin be votə bedə.Rumıniya kompaniyə bə rumıniya hokuməti, strateji pezervonku 80 həzo tonn nat co karde xahiş kardəşe. Əmmo rezervuaron oj karde ro fevğalado hol elon bəni, avrokomissiya xəbədo karde bənine.Kali eksperton azərboyconi nati çırkinəti məsələ peşto Britaniya de ıştə avropa satteliton mande ğeyd kardedən ki, bə ımiən səbəb Zənqəzur koridori bə AİŞ kirə doyədə vindedən.