Trampi Ukrayna Prezdent Zelenskiş bə Vaşınqton vanq kardə
Avqusti 15-də AİŞ və Rusiya Prezidenton miyonəda Alyaskada sə qətə didori bədiqə, Donald Trampi bə Vladimir Zelenski de telefoni əlaqəş oğətə, əvış avqusti 18-də bə Vaşinqton vanq kardə
Trampi Ukraina Prezident Zelenskiş bə Vaşınqton vanq kardəAvqusti 15-də AİŞ və Rusiya Prezidenton miyonəda Alyaskada sə qətə didori bədiqə, Donald Trampi bə Vladimir Zelenski de telefoni əlaqəş oğətə, əvış avqusti 18-də bə Vaşinqton vanq kardə.Təxminən bə i saat dəvom kardə telefon qəpon Avropa İttifoği Komissiya sərdor Ursula fon der Lyayen, Fransa prezident Emmanuel Makron, Almaniya Kansler Fridrix Merts, Finlandiya prezident Aleksandr Stubb, Polşa prezident Andjey Duda, Yolə Britaniya Sər Vəzir Keyr Starmer, NATO Sər kotib Yens Stoltenberq, AİŞ Devlət kotib Marko Rubio və Ukrayna ro AİŞ xısusi nımoyəndə umjən qıniyən.Əsos mızakirə mevzu Tramp və Putini miyonədə omə roziətiyon bən. Rusiya tərəfi otəşvəs elonisə vey, mıhoribə oroxnə hərtərəfinə sulh sozişi piye bəyon kardə bə. Ayəndə eçıni detalon oşko kardə bə ni, çəvon bə Zelenski 18 avqustədə Vaşinqton didorədə təğdim karde çəş kardə bedə.De Alyaska didori məzmuni oşnə bə Avropa rəsmiyon bə Kiyevi sərf nıkardə şərton ğəbul karde ro təzyiğon beku norozin. “Bloomberg” nıvıştə ki, əvon çe Ukraniaku ərozi quzəşton tələbiku norohətin. Aİ və NATO, sulh prosesi be çəvon aktiv iştirok nıbə və çimi Ğərbi omə didoronədə mevğe zəif eqıniyeku norohətin.Vladimir Putin və Donald Trampi Alyaska paytaxt Ankoricədə dəvardə vindemon təxminən 3 saat nim dəkəşə və Moskva çe Vaşinqtoni miyonədə dialoqi bərpo bədiqə iminə dıtərəfinə sammit bə. De doə məlumoton, didorədə se əsos mevzu ətrofədə qəp jə bə:1.Ukrayna mıharibə həll2.Sanksiyon və iğtisodi həmkoəti3.Qlobal əmniyətəti və bə silohon nəzorətNezə fəxtonədə ın vindemoni dəvom karde ğəror doə bə.
