Tırkiyədə Tolışə fəali qim bey

Tırkiyə "MİT" bə İstanbuli tibbi səfə zəmonədə həbs kardə bıə Rusiya vətəndo Kamal İsayev(Cahid Kamal) nomo Tolışə fəolış dastqir kardə və bə Azərbaycan Respublika Əmniyyəti Xıdməti(DTX) təhvilış doə.

Oxonə dı sorədə DTX çandə Tolışə fəol Azərbaycan Respublika xaricədə dızdiyə holədə həbsış kardə.Çəvon miyono Zahirəddin İbrahimov çe Rusiya Yekaterinburq şəhrədə dızdiyə bıə holədə bə Boku bardə bıə.Bo ıştə ğohumon vəyə mərosimədə iştirok kardero bə Lankoni səfə kardə çe Tolışi zıvon iyən mədəniyyəti tədğiğotçi İğbal Əbilov həm həbs kardə bıə holədə bə 18 sor həbsi cəzo məhkum kardey bıə.

Tolışə ruşinfik Fəxruddin Əbbosov və Novruzəli Məhəmmədov həm həbs kardə bıə holədə həbsxonədə bəfotoşon karde.Azərbaycan Respublika hukumət,bə ifrotə tırkçəti hakimiyyəti xoto Tolışətiş bə i nev elon kardey nıbə tabu holətiş vardə və Tolışi nomış çe Azərbaycan Respublika Tolışə məntəğəonkuş xaric kardə.