Almaniya deputat dastqir kardə bə         

Almaniyadə bundestaği navkonə deputat bo azərboyconi inereson  ko karde ro dastqir kardə bə. 

Navkonə deputat Aksel Fişer Myunxen Ali məhkəmə çəy dastqirəti ro doə ğərori bə peşt bə tədğiğatxonə barda bə. De DW doə xəbə, əv rışvəxorətiədə və səlohiyətonku bo azərboyconi intereson istifodədə şəkkin zınə bedə.
Çəy dastqirəti ro order, əçe məhkəmə proseson iqnori bədiqə doə bə. Eksperton çəy kamiku dı məhkəmə qırdempnədə iştirok nıkarde oşkoşon kardə. Nəticədən, navkonə deputat Bad-Zekkinqen şəhəri klinikon qılıədə dastqir kardə bə.  Əçe vəkilon dastqirətiku аppelyasiya sikotşon doə.
Fişer ıştə taxsi inkor kardə. Məhkəmə omə qırdemonon bə yanvarə manqi sıftədə dəbavarde və tosə bə fəxtiyən əv Myunxen şəhəri Ştadelhaym dastqirxonədə bəmande.
Tədğiğat hisob kardə ki, Fişeri 2011–2016 minə soronədə bo "sərost sədo " doe, bə Boku konfidensial sənədon dəvone ro 84 həzo avro səşe. Əçe bo Boku AİPA-də lobbiəti karde oşko kardə bə.