Fransa,Misr iyən İordaniyə bə Rəfah hucumi ələyhin və Ğəzzədə bə otəşvəs rejimi dastək doydən.
Misr,İordaniyə və Fransa xarici koon vəziron setərəfinə iclos,şambə ruji çı Misri poytaxt Ğahirədə çı Ğəzzə canqi oxonə hodisəon və bo Ğəzzədə otəşvəsiro məsləhəton əloğədor bərpo bıə.bın didoədə çı Misri xarici koon vəzir Sameh Şukri,İordaniyə xarici koon vəzir Əymən Səfədi və Fransa xarici koon vəzir Stefan Sjorney de Ğəzzə tanqə anqıl məsləhəton kardəşone və Ğəzzə tanqədə muharibə nəticəon mızokirə kardəşone.
Ğahirədə Misr,İordaniyə və Fransə xarici koon vəziron bo Ğəzzə tanqədə dayimi otəşvəs iyən əsiron mubodiləro vanqışon jıə və 1,5 milyon fələstınıjə dəvitiyəon pənohqo bıə Rəfah harcurnə hərbi hucumi zidd bıey bəyon kardəşone.
əvon qırd hucum iyən təcavuzon məhkum kardə holədə,bəşəri vəziyyət,vəşyanəti və Ğəzzə tanqədə səhiyyə sistemi məhfəti dəhşətinə nəticəon həxədə xəbərdorəti kardəşone və Fələstini milləti dezzu kuç doey cəhdon ələyh bey təkid kardəşone.
Misr,İordaniyə iyən Fransə xarici koon vəziron həmçinin bə İMT ğətnoməon əsos bıə “dıqlə devləti” həll kardey, min cumlə 1967-ə sori sərhədon əsosədə mıstəğil,suveren və jimon kardənin bıə Fələstini devləti ofəye bə həyot dəvordıney əminəti təkid kardəşone.
Fransa de Ğəzzədə bıə vəzyyəti anqıl işğali jiyədə bıə Fələstini hamsuyə bıə Misr iyən İordaniyəkəno bənə çı Avropa İbemoni dıminə muhimmə məmləkəti ıştə mevğey bəyon kardey və Ğəzzə tanqə cənubədə bə Rəfah hucumi zidd beşey təkid kardey,Ğəzzə canqədə dərhol otəşvəsış tələb kardə.Ğəzzə canqi şəşminə manqi bə oxo rəsə qıləy zəmonədə seonist rejimi lideron,xısusən Benyamin Netanyahu hənuz həm bəştə canqəkə mevğeyon təkid kardedən və hətto de hatrr qıləy roy təvəssuti bəştə hədəfon hucum kardero çe Fələstini mığovimət qrupon,xususən həm de HƏMAS-i məhf kardey iddio çı otəşvəsi mızokirəon darıştedən.de seonist rejimi həmməysə dıjdə himoyədor bıə AİŞ bın canqi zəmonədə bə Təl-Əvivi hevujə siyosi,ixtisodi iyən hərbi koməqış nışon doə və oxonə çandə manqədə bə Ğəzzə tanqə sakinon ələyh oşkoə şikilədə genosidi bə jimon dəvordıneyro havzə ruşnəş nışon doə.