İsrayili dəhşət kardə camiyət
Mıxtəlif amilon bois bəy ta seonist rejimi rəsmi şəxson və işğal bıə sərzəminon sakinon de ğərb və Amerkə məhdud nıbə himoyəon vucudədə, de Mığoviməti bə çandə cəhbəiyə canqi daxil bıeyku dəhşətışon bıbo
De Mığovimət cəhbə intğom tələb kardey mıborizə bardeyo ın rejimi hərbi ğıvvon huzzı bıeyədə seonist rejimi hərbiyə ğıvvon və siyosi rəsmi şəxson dəvominə iddeaonədə, sırfən əmniyyətiyə behronon miyono israyil ictimayə fikon orom oqəteyo medyaon pesoxtə qəponin.
seonist rejimi sterateqiya koon əksər eksperton de xatır cəməti voteydən israyili ğədimi və kanə hərbiyə ğıvvon hətta de Amerkə və ğərbi veyə himoyəon vucudədə həm reqiyondə de Mığovimət cəhbə mıxtəlif mehvəron dırozə canqi mıborizə bardey imkonışon ni.
seonist rejimi 1 minə vəzir Benyamin Netanyahu de qıləy fərd nomi zıniyə bedə ki, israyili mevcud bıə bevəcə behrondə ğərorış doə.
işğalqərə rejimi canqi vəzir Qalant həm həmməsə bevəcə canqi vəzir ləğəbış qətə.
ın qıləy holədəy ki, Netanyahu gəğoən Ğəzzə canqədə mıtləğə səbarzəti barədə bə ıştə pesoxtə sıxənon dəvom doydə və bovəş heste ki, bəzne ın səbarzəti bə nəticə bırosn.
ın həmmə behronon miyono israyilivıjon ıştə rəsmi şəxson və çəvon sədrədə Netanyahu beməxə koon niqəranin ki bəzne seonist rejimi bə reqiyonal canqi cəhəndəmi daxil bıkə.
Mığoviməti çandə cəhətinə canq bo israyil qıləy bənə mardey bıə hane ki, ın rejimi mevcudiyəti bə clddiyə xəto eğandə.
2017 minə soriku və nəticədə məntəğə hevojə geosiya əvəz beon nəticədə ki, bə seonist rejimi proyekti omə rujon tokiyəti sayəş eğandəşe, seonist rejimi əmniyəti və motaleə mərkəzon şiddətinə surətədə niqəran bən.
ın mərkəzon bə ın nəticə rəsən ki bə israyili ələyh mığovimət cəhbə hevoj və yolə çandə cəhbəiyə canqi bino be İroniku ta bə Yəmən, İrağ, Suriyə, Livan və Fələstin de həmmə lecistiki və hərbiyə imkonot bəsic be, bo israyili omə rujon yolə kabus və hane.
seonist əmniyəti və təhğiğotiyə mərkəzon bovəşon heste ki, 1 minə mərhələdə çandə cəhbəiyə canqi xəto və təhlokə bə israyil təhacomiyə proyekti sığut bəbe ki bə zotətbiğ kardey əsos bə və bo bəji bıeyo co qılə unsur və əsosış ni.
de əmniyətiyə behronon dimbədim bıey barədə israyili problem ın rejimi hərbi zəminiyə ğıvvon huzzı nıbeye ki, dəvordə dasoronədə israyil yolə zəyifəti nığtə bəy.
israyili hərbiyə ğıvvon eksperton və qeneralon voteydən ki ın hərbi zəminiyə ğıvvon taktiki və əməliyotiyə suğoti vədə ğərorışon heste və çəy unsuron çimisə əlovə ki, təlimışon vində ni psixoloji nəzəku həm çokə şərayetışon ni və pidəşon ni bə canq daxil bıbon.
