X sosyal şəbəkə istifodəçiyon/ İsloməfobiya, iştimoyyə həyğət ya siyosiyə proyekt?

Pars Tudey- X sosyal şəbəkə istifodəçiyon ğərbədə İslomə fobiya cərəyononışon pesoxtə və ğeyri həğiği vəsfış karde.

X sosyal şəbəkə ğalməğalinə fəzoədə, qıləy dığğət doəninə nəzə elon bedə ki, ğərbədə İsloməfobiya mıtəşəkkil cərəyonon vucudi bə sıvoli jiyo bardə. In pltformadə kali fəolə istifodəçiyon zumandə dastışon heste ki, qıləy hodisə de “İsloməfobiya” nomi veyni qıləy siyosi və pesoxtə proyekte ta qıləy hevujə iştimoyyə həyğət.

Əvon voteydən ki, ın kəlimə de islomi rabitə bıə əməlon və iddiyon barədə ğanuniyə bəhs və harcurə tənğidiku əks sədoe, oko doə bedə. Pars Tudey ın mətləbədə ın mevzu bardə bə X sosyal şəbəkə xarici və İronıjə istifodəçiyon nəzəon nəzə kardə bıə.

Qıləy istifodəçi de Parsa Sediği nomi nıvıştışe: 20 minə əsri oxoku, ğərbıjon İsloməfobiyaşon hidoyət karde və de əyə idorəçiyəti kardey bə xəyli foydəon rəsin.

 X sosyal şəbəkə co qılə istifodəçi de Aryo nomi həm əlovəş karde: Tramp dınyoş de İsloməfobiya vavunə ğarətış karde çən bəpe əy hifz bıə ta çəy ğarət kardey dəvomış bıbo.

Co qılə istifodəçi de MyMission nomi həm nıvıştəşe: İslomə fobiya milodi 80 və 90 minə soronku israyili zehni əməliyote.

X sosyal şəbəkə co qılə istifodəçi de Rohit nomi votışe: çiyi de İsloməfobiya nomi vucudış ni. In qıləy pesoxtə kəliməye ki, ha terrorist ki dastqir bedə, çəy peştono niyon bedə.

Co qılə istifodəçi de Sports_Account nomi həm votışe: İsloməfobiya vucudış ni. In qıləy məfume ki, terroristiyə təşkiloti vositə ixtiro bıə ta mısılmınon bə sıvoli jiyo bıbon.

Harambae həm nıvıştışe: İsloməfobiya qılə bemənoə nome. İslomiku tars komilə surətədə ğeyri məntiğiye.