De Ərbəyine Huseyni(ə) mınosibəti təsliyət-İslamiyə İron matəm və əzadarətiədəy.
İslamiyə İron Ərbəine Huseyni(ə) rujədə, Həzrət imom Huseyn(ə) və həzrəti bəfodorə əshabi şəhodəti 40 minnə rujədə matəm və əzodorətiədə be.
Imruj şanbə Hicri Ğəməri 1444 minnə sori səfərə manqi 20 (2022 minnə sori sentiyabri 17 dınyo şiəyon 3 minnə imom Həzrət imom Huseyn(ə) və həzrəti bəfodorə əshabi şəhodəti ərbəin Kərbəlo səhraədəy.
Həmmə dınyoədə əcumlə İron İslam Respublikaku çandə milyon zair ım rujədə Ərbəine Huseyni(ə) mərosimədə iştirak kardeyro bə İraği cənub Kərbəlo şəhr daxil bedən.
Həzrət imom Huseyn(ə) və çəy bəfodorə əshab Hicri Ğəməri 61 minnə sori məhərrəmə manqi 10 minnə ruji Kərbəloədə bə şəhodət rəsedən.
Həzrət imom Huseyn(ə) kərbəlo hadisə bəyonədə Məkkə bə Kərbəlo roədə destə şəhodəti zəman oşkoə sorətədə işarəş kardə çıme hərəkəti məğsəd Yəzidı bə islami zid hukuməti oşko karde, bə çokə koon əmr doe və bə bevəcion mane be iyən zılm və sitəmi vədə mande və ğəyrəz kərimə ğıroni himoyəon və Muhəmməd(ə) əslımandə islami dini bəji oqətey coqlə hədəfış bıə ni.
İroni millət zinə şanqo şəhidon salari şəhodəti 40 minnə şəvi mərosim bə səhiyə protokolon əməl kardeədə bənə Tasua və Aşuraye Huseyni(ə) şəv-rujon xiyabanon əzadarətişon karde.
Nohə hande və sinə və zəncir je və Həzrət imom Huseyn(ə) barzə erj və vırə iyən şəxsiyyəti həxədə sıxan karde islami ironi mumin və Huseyniyə milləti muhimmə bərnamonku Ərbəine Huseyni(ə) şəv iyən rujədə be.
İron İslam Respublika tele Rədio de Ərbəyine Huseyni(ə) mınosibəti bə həmmə mıslmonon xososi dınyo şiəyon dınyo ozodəti tələb kardə kəson səbəsəloməti dodə.
