Suriyə hərbiçion əməliyotədə 16 nəfər DAEŞ-i terroriston həlok bıən.

Zinə rujədə, Suriyə kişvəri cənub, Dəra şəhrədə qıləy əməliyoti cərəyonədə, Suriyə ərtışi hərbiçion 16 nəfər DAEŞ-i terrorist həlokışon kardə.

Suriyə şəhron ozod soxtey vucudi, və DAEŞ terroristiyə qədə qrupon iddio xəlofəti sə bey, bəzi vaxt ım qrupon uzvon çand nəfərə qədə amilon ğolibədə, bə Suriyə millət iyən hərbiçion həmlə iyən insoni və moli tələfot icodış kardedən.

Bə İrna raporti əsos, Suriyə hərbiçion de əməliyoton əncom bey vositə ki dəvardə 2 haftəonku vey bino bıə be, muvəffəğ bıən ta DAEŞ-i bağimandə uzvon Dəra şəhri məntəğəonku pok kənən.

Dəvardə haftə oxoədə həm ım kişvəri vənubədə Dəra şəhrədə, və məxsusə əməliyotədə, Suriyə hərbiçion, 24 qılə DAEŞ-i terroristi bə həlokət rosneydən.

Miladi 2011 minnə soriku Suriyədə bıhron de terroristiyə qrupon hevijə həmlə və de Ərəbiston, Amerkə və çəvon mıttəfiğon, sionist rejimi mənafe cəhəto məntəğə hisob-kitobon əvəz kardeyro, bino bıə. çəy dumoədə, Suriyə, Rusiyə və İroniku tələbış kardə ki de terroriston mubarizə bardeyədə bə Dəməşğ komək kon.