İron İslom Respublika prezident iyən Ğətəri əmiri telefoniyə votımon
İron İslom Respublika prezident iyən Ğətəri Əmir, muxtəlifə zəminəonədə həmkoətion hevujəti iyən 2tərəfiyə rabitəon barədə deyande sıhbətışon kardə.
Bə Zinə ruji İsna aqentiyəti raporti əsos, İron İslom Respublika prezident Sed İbreym Rəyisi de Ğətəri Əmir Şeyx Təmim Bin Həməd Ale Sani telefoniyə votımonədə ım kişvərədə dınyo futbol çempionat mısobiğəon bərpo bey, islomi kişvəon barzəti nımonə bə hisobış varde.
Dınyo futbol çempionat mısobiğəon 22 minnə dıvrə, Miladi 2022 minnə sori Noyabrə manqi 20 minnə rujiki de Ğətər kişvəri mizbonəti bino bıə.
Im mısobiğəon B qrupədə, İroni Futbol milli komanda de İnqilis, Amerkə və Uels qıləy qrupədə ğərorış qətə.
İroni futbol milli komanda ki ın mısobiğəon iminnə hənəkədə İnqilisi vədə 6 bə 2 məğlub bıə be, cımə rujədə və ıştə 2 minnə hənəkədə Əhməd Bin Əli stadionədə və de Qoatmala kişvəriku Mariyo Alberto Skobar hakiməti Uelzi vədə 2 bə 0 bə səbarzəti rəsə.
Imşanqo iyən Ğətəri dınyo futbol çempionatədə İroni ıştə 3 minnə mısobiğədə, de Amerkə futbol milli komanda hənəkış bəbe.
