sionist irğçiyə rejim bə Fələstinıjon zidd qınosid cinoyəti əncom doəşe

İroni xarıci vəzorətxonə sıxanəvot sionistonış çı anti fələstin cinoyət və qınosidi əncom doe lider və navdəşə elanış karde.

Bə İRİB raporti əsos, Nasir Kənani Çafi çı dıno insonə həxon vəziyətiku duəvujon iddio iyən sionist rejimi cinoyətonku çəvon himoyəon barədə Tvitterədə ğeydış karde: insonə həxon barədə iddio kardə kəson 70 soriku vey bəbe ki sionist irğçi, terrorist və işğalçiyə rejimi cinoyətonku himoyədorəti kardən ki ın məsələ nə ın ki bəşər həxi poymoləkəy bəlkəm bə Fələstinıjon zidd bənə qenosid faciə mandəy.

Fələstini səhiyyə vəzorətxonə tojədən elanış karde ki sioniston dəvardə 24 saəti mıddətədə 5 nəfər Fələstinıjon de sərostə qullə vositə şəhid kardəşone.

Statestikaon jığo hikoyət kardə ki ımsornə miladi sori əvvəliku tosə bə ısət 205 nəfər fələstinıj çı sioniston vəhşi cinoyəton jintonədə şəhid bıən.