Beyrutədə bıə İroni səfir: Tehron, zumandə Livan pidəşe

Beyrutədə bıə İroni səfir Livani muğavimətiku bə İroni daimə himoyəon dəvomi təkidış karde iyən votışe: Tehron zumand iyən səbarzə Livanış pidə.

İron və Livani miyono torixi, sivilizasiya iyən mədəni cəhəto vey nığılə rabitəon hestin, oxonə soronədə 2 qılə kişvəri rəsmi şəxson miyono muxtəlifə baxşonədə çand kərə bə rabitəon əlovə bey təkid bıə.

Livanədə bıə İron İslom Respublika səfir Muctəba Əmani de Əlmenar televeziya kanali votımonədə təkidış karde: İron, Livani muğavimətiku himoyə kardedə ki ım məsələ bois bıə ta Livan ıştə tabii mənabeku rohət istifodə bık və çəy nəticə ım be ki faydon bə Livani həmmə qrupon bırəsi.

Əmani ijən İron və Hezbullah rabitə barədə həm votışe: İron bə Hezbullah nibəvote ki kom ko əncom bıdə ya mədə, İron de həmmə qrupon iyən partiyaon mıhkəmə rabitəş heste və Livani prezidenti vıjniye mıvzo barədə, hiç vaxt Tehron mıdoxilə nibəkarde.

Livanədə bıə İroni səfir bə Livan İroni vəşemon koməkon barədə həm əlovəş karde: ım məsələ vey mıddətədə bəbe ki əncom bıə və ım koməki ğəbul kardeyədə.

Əmani ijən əlovəş karde: hədiyyə kardə bıə koməkon qəteyədə, Livani rəsmiyə bezoəti fəğət bə sutemoni mıvzo rabtış ni boçiki İron təğribən 1 sor çımiku bənav  2 qılə ruşnə stansiya soxtey təklifi bəyonış kardə be əmmo ım təklif ğərol qətəonədə be hərəkət mandə.

Livanədə bıə İron İslom Respublika səfir ijən bə ım məsələ təkidış karde ki Livanədə zumandə prezidenti vucud, ım kişəvr zumandəti amilonku qıləyni bə hisob omeydə və təsdiğış kade: Livan iyən co qılə kişvəri rabitəonədə, hiç vaxt İron mıdoxilə nibəkarde.