Suriyə Homs şəhri ətrofədə, DAEŞ-i cinoyət, İroni tərəfo məhkum bıə.

İroni xarıci vəzorətxonə sıxənəvot, Suriyə Homs şəhri ətrofədə DAEŞ-i cinoyət məhkumış kardə və votışe: Amerkə rejimi ısətnə siyasəton, jığo hikayət kardedə ki de beynəlxalğə mıvzoon əcumlə de terrorizm mubarizə bardeyro ım rejim 2curnə standardon əncom dodə.

Bə xarıci vəzarətxonə sıxənəvoti məlumatərosnə raporti əsos, İRoni xarıci vəzarətxonə sıxənəvot, Nasır Kənani Çafi , Suriyə Homs şəhri ətrofədə DAEŞ-i terroristiyə qədə qrupon vəhşiyə cinoyət ki bois bıə 50 nəfər Suriyə hərbi ğıvvon iyən beqınohə milləton şəhid bıbun, de şiddətin surət məhkumış kardə.

Kənani çafi ijən bə Suriyə millət iyən dıvlət təsliyət votey bəpeşt, Suriyədə de DAEŞ-i qədə qrupon və co qılə terroristiyə zıney bıə qədə qrupon mubarizə bardey, bə Suriyəku beynəlxalğə təsirinə himoyəon təkidış kardə iyən votışe: Amerkə dıvlət bənə DAEŞ-i terroristiyə qədə qrupi iicod kardey iyən çəyku himoyə kardey , və bənə dıvlət ki Suriyədə ğeyri ğanuni surəti ıştə hərbi ğıvvon iştirokış kardə, Suriyədə noəmni icod kardey və DAEŞi cinoyəton dəvom doeyədə şərikış heste.

Cımə rujədə, Homs məntəğə ətrofədə, və hışkə zəminonədə DAEŞ terroristiyə qədə qrup, bə Suriyə ğeyri hərbionku qıləy qrup həmləş kardə.

Şəmbə sıb Suriyə mediyaon  həminə həmlə kıştə bıə kəson miğdor 52 nəfər elanışon kardə.