Livani Hizbullah bə Britaniya, Amerkə və İyordaniya çəşnaviş do.

Livani Hizbullah qrup Suriyə cənubiyə məntəğəonədə İyordaniya, Britaniya və Amerkə bevəcə hərəkəton barədə xəbə dorətiş do.

Əlməyadin kanal elanış kardə: de hərbiyə manıvri bəhonə Suriyə, İyordaniya sərhədi ətrofədə Amerkə, Yardaniya və Britaniya hərbion huzur nışo doydə ki həminə məntəğədə Vaşinqtoni huzur qıləy hərbiyə əməliyati nışonəy.

Livani Əlmənar televeziya kanal həm Hizbollah qrupi nəğlış kardə: əqə çı Suriyə milliyə hakimiyət və ərazi təmamiyyət ləğv bıbu Amerkə, Yardaniya və Britaniya vey qonə zərəl və ziyanon bəvindın.

Bə muntəşir bıə raporton əsos Amerkə, Britaniya və İyordaniya mıştərəkə hərbiyə ğıvvon tojədən de muxtəlifə tank və vertəliyoton təchiz bey vasitə Yardaniya Şimal və Suriyə Cənub məntəğəonədə ıştə huzuri zumandışon kardə.

Bə Suriyə məlumat ərosənə mərkəzon raporti əsos ki besəməlotə təyarəonku bə dast omə çandə Britaniyavıjə tankon ijən Amerkəvıjə vertəliyoton sərhədədə canqiyə vəziyətdə hestin.

Çımiku bə nav çı Suriyə prezident Bəşşar Əsəd elan kardə ki İyordaniya qıləy plani hozzoş kardə ki bə çəy əsos Suriyə sərzəminədə de Amerkə həmkari və koməki ijən bə Daeş terroristiyə qrupi mubariz barədə bəhonə ıştə hərbiyə huzuri bino bıkə.