Bəhreyni milləti etıroz aksiyaon ijən dəvomış heste.

Xəbəiyə mənbəon elanışon kardə ki çı Bəhreyni milləti zinə şəvi etıroz aksiyaon nəticəku cəmaət Məname şəhri iyən İsa nomo bıə məntəğə miyono əsliyə pardi basteşone.

Bə Əllo-lo nomo bıə xəbəiyə sayti raporti əsos zinə şəv həm vey şiddətinə daveon polis ğıvvon iyən etıroz əkəyon miyono bə vıcud omə ki çand saət Bəhreyni xiyobononədə şe-omə vəyış qəte.

Eyn holədə Bəhreyni tojə şəhidon ailəon həm co qılə bəyoniyədə elanışon kardə ki çı Ali Xəlifə rejimi cinoyəton məhkum kardedən ijən həmçınan bo ıştə şəhidon pokə cənozəonro ehtırominə təşie cənozə mərasimi bərpo karde təkid kardedən və ım çəvon həxe ki ıştə şəhidon deştə dıli piye mıəyyən bıə vırəonədə dəfn bıkən və hol ım ki Bəhreyni kişvəri vəzarətxanə ujnən ıştə tojə bəyoniyədə elanış kardə ki ım kıştə bıə şəhrvandon cənozə be ım ki çəvonro şəri və ğanuniyə mərasimon əncom bıbu cumə rujədə və çəvon ailəon nıbey surət dəfn kardəşone.

Dəvardə haftəku və Bəhreyni Ali Xəlifə rejimi məmuron bə Şeyx İsa Ğasımi tərəfdaron hucum karde nəticəku 5 nəfər şəhid və 100 nəfəriku vey zəxmin bıən.

Cəmaət çı Bəhreyni vey məşhurə Ruhani kə ətrofədə cəm bıə bən ta əy dəstqir karde vədə mane bıbun.

Bəhreynədə inğilab miladi 2011 minə soriku bino bəy.