Telavivi ətrofədə Fələstinıjə cıvoni tojə əməliyat.
Aug 04, 2017 06:42 Asia/Tehran
-
Siyonist rejim ıştə ğeyri ğanuniyə hərəkəton iyən deşmənçiyə bərnoməon ijən dəvom dodə.
Ələğsa Məçitədə bə Fələstinıjon tojə dıvrə məhdudiyəton dəvomədə qıləy cıvonon bə siyonist rejimi hərbion huccum ijən 1 nəfəri zəxmin kardə.
Bə Əlaləm kanali raporti əsos ım cıvon Əlxəlilədə bə siyonist rejimi hərbion huccum karde bəpeştə dəstqir bıə.
Siyonist rejimi tojə dıvrə fişaron ijən çəvon hərbion cinoyəton dəvomədə ım rejim pidəşe islami vırəon məxsusən Ələğsa Məçiti zəmon iyən vırə cəhətiku təğsim bıkə.
Siyonist rejim ıştə ğeyri ğanuniyə hərəkəton iyən deşmənçiyə bərnoməon vey nohəxə nımonədə tojədən Ələğsa Məçitədə bo nımoj əvoton kontrol kardero çandə kəmera və təchizaton ğərorış doe be əmmo de Fələstinıjon etıroz aksiyaon bərobər əvoni ləğvış kardə.
