İron və Rusiyə miyono əloğəon ali səviyədə dəvomış heste.

Siyasi məsələonədə İroni xarıci vəziri ali dəstyor Tehronədə Suriyə məsələonədə Rusiyə prezidenti məxsusə mışoviri vindemonədə votışe: İron və Rusiyə miyono həmkarion vey ali səviyədə təğib bıdə.

Bə İrna raporti əsos Husein Caberi Ənsari bə məntəğə xususi Suriyədə təhəvolaton işorəş kardə iyən votışe: ısətnə şərayetədə İron və Rusiyə miyono bo əloğə iyən həmkarion və həmohənqion vey lozime.

Siyasi məsələonədə İroni xarıci vəziri ali dəstor omidvar mandə ki tojə vindemon bo omə əloğə və həmohənqionro çokə fırsəti icod bıkə.

Əleksander Lavrnetif həm bə Suriyədə vəziyəti har ruj əvəz bey işorəş kardə iyən votışe: ısət vey mısbət əvəz əkə vəziyət iyən bəzi niqəran əkə mıvzoon hestin.

Suriyə məsələon barədə Rusiyə prezidenti məxsusə mışovir zinə həm de İroni Milli Əmniyyət Şura sərkatib Əli Şəmxani vindemonış kardə ijən məntəğə və Suriyə təhəvolaton barədə votımon iyən muzakirəş kardə.