Pars Today

İroni xarıci vəziri siyasi muavin Viyanaədə ətomiyə sazışi tojə iclosi nəticəonış mısbət hisobış karde və votışe: omə rujonədə İron-Avropa miyono mali mıbodiləon de İNSTEX-i vositə əncom bəbe.

Seyed Əbbas İrağçi təkidış karde: ğeyd kardə nine ki ım hərəkət iyən ko hələ de İroni tələb və mənafe həmohənq ni.

Əv votışe: tojə iclos jıqo bə ğəroli ome ki xarıci vəziron miyono həm muzakirəon əncom bıbu əmmo Avropa koon iyən əməliyə siyasəton çı İroni nəzəri əvəz karde xoto və sə ni.

İroni xarıci vəziri siyasi muavin ijən votışe: Avropa co kişvəron pidəşone ta bə İNSTEX maliyə sistemi əlovə bıbun ta de İron mıbodilə karde xoto hiç problemi nıbu.

Seyed Əbbas İrağçi ijən bə İroni nati həvote çəy puliku istifodə karde zəroriyati işorəş karde və votışe: İroni Ərak ətomiyə mərkəzi təchizaton moderne barədə həm koon de mıəyyən bıə bərnamə həmzəman bəpe əncom bıbu.

İorni ətomiyə sazışi barədə mıştərik kamisiyya zinə de Avropa və ətomiyə sazışi co uzvon iyən İroni siyasi mudiron və xarıci vəziron muavinon iştiroki Yiyanaədə bərpo be.