Ruhani: Boku-İrəvon mınoğişədə xarıcion mıdoxilə vəziyəti mırəkkəb iyən qıvonin bəkarde.
İroni prezident Erməniston və Azərbaycan Respublika miyono bıə daveon şiddətin beyku ıştə niqəroni elanış karde.
Həsən Ruhani de Ermənistoni iminə vəziri telefoni votemoni vositə bə məntəğədə sulh iyən stabil şərayeti əhəmiyət işarəş və əlovəş karde: məntəğə tojə daveon iyən canqi tov varde nibəzne.
Ruhani Erməniston və Azərbaycan Respublika miyono bıə kanə mınoğişə həlliro bə siyasi və sulhin roon əhəmmiyıti işarə və əlovəş karde: bo İron həminə daveon sə bey muhimme və Tehron intizorış heste ki Erməniston və Azərbaycan Respublika de ıştəni oqəte iyən oroməti çı tədbir roonədə hərəkət kon.
Ruhani təkidış karde ki canq çı behron iyən mışkilaton arəku barde hələkə ro ni votışe: məntəğə macəraonədə xarıcion mıdoxilə nə ın ki behroni həl nibəkay bəlkəm de mırəkkəb şərayeti icod karde fəğət behroni zəmoni dıroz karde bois bəbe.
İroni prezident bə İron və hamsuyə kişvəron miyono bıə kanə və mıştərək noğtəon işarəş karde və votışe ki Tehron karde bəzne bə Erməniston və Azərbaycan Respublika nəzəon əsos ıştə mısbət roli çı mınoğişə həlli çərçivədə ifo ko.
Ermənistoni i minnə vəzir Nikol Paşiniyan həm məntəğədə harcurnə daveon bə kişvəron mənafe ziyon bə hisobış varde və daveon həlli xoto əməli təklifonku ıştə rizoyəti elanış karde.
Əv Ğərəboği mınoğişədə xarıci kişvəron mıdoxiləku ıştə niqəronəti elanış karde.
