Ğərəboği barədə Putin iyən Ərdoğani telefoni votımon.
Tırkiyə iyən Rusiyə prezidenton Boku iyən İrəvani miyono bıə mınoğişə barədə telefoni sohbət kardışone.
Bə TRT sayti nəğli əsos, Tırkiyə prezident aparəti de qıləy bəyoniyə vositə elanış karde ki Rəcəb Təyyeb Ərdoğan de Veladimir Putin telefoni rabitı cıryon ədə votışe: Erməniston de bə Azərbaycan Respublika zəmini həmlə karde tojə behronon icodış kardə.
Tırkiyə prezident əlovəş karde: Erməniston pidəşe ki Ğərəboğ məntəğədə ıştə 30 sornə işğali bə daimi vəziyəti əvəz ko.
Tırkiyə iyən Rusiyə prezidenton ım votımonədə həmçenin 2 tərəfi əloğəon iyən Suriyə və Liviya oxonə vəziyəti barədə həm sohbət kardışone və nəzəşon ıme ki Suriyə behron bəpe de siyasi votımonon həl bıbu.
Ərdoğani ım sohbəton qıle holədəy ki Suriyə şimol məntəğəonku Tırkiyə və bə Tırkiyə vabəstə bıə hərbiçion xaric bey barədə Avropa tələb Ankara əsəboniyət və ğeyzin bey bois bıə.
Tırkiyə ərtış de terrorizm mubarizə bardey bəhonə Suriyə şimol məntəğəonış işğal karde, ım təcavuz de Suriyə millət-dıvlət və dınyo umum iştimaeiyəti məhkumiyət dim bə dim bıə.
