İronədə Covid-19 pandemiyaku oxonə xəbəron, 399 İronıj mardən.

8000 nəfəriku vey Koronavirusi qətə kəson tojədən İronədə peydo bin, 399 nəfər həm de təəssufi mardən.

İroni səhiyyə vəzarətxonə elanış karde: dəvardə 24 saəti mıddətədə 8293 nəfər Koronavirusi tojə noxəş İronədə peydo bin ki çəvonku hələ 2924 nəfər hələ noxəşxonəonədən.

Bə oxonə raporti əsos, İronədə tosə bə ısət 596941 nəfər bə Koronavirusi mıbtəlo bıən ki dəvardə 24 saəti mıddətədə de təəsufi 399 nəfər Koronavirusi mıbtəlo bıə noxəşon ıştə coni dastiku doəşone ki qırd ısət ım pandemiya nəticədə mardə kəson miğdor bə 34113 nəfər rəsə.

Əmo de xoşbəxtiyəti İronoədə Korona noxəşon miqdoriku 472598 nəfəri hal-əhvol çok be və əvon noxəşxonəonku mırəxəs və ozod bıən.

Məntəğə vəziyətiku həm oxonə xəbə ıme ki sıvoy ərəbə kişvəron, Azərbaycan Respublika, Tırkiyə, Əfğaniston, Hindustan, Tacikestan və Pakistoniku həm xəbəon Koronavirusi qətəkəson miğdori vey beyku hikayət kardedə.

Dınyoədə Korona qəte kəson miğdor 44 milyon nəfər iyən mardə kəson ədəd həm 1 milyon 180 həzo nəfəriku vey bıə.

Mıbtəlo bıə kəson iyən mardəyon cəhəto Amerkə həmçenan həmməy statestikaon sədrədəy.