Rusiyə aerokasmik beynəlxalğ nımoyeşqohədə İroni heyəti iştirok.

İroni heyət Rusiyə aerokasmik beynəlxalğ nımoyeşqohku diyəş karde.

Bə İrna raporti əsos, İroni mudafiyə vəziri muavin qeneral Əmir Xacefərd de Rusiyədə bıə İroni səfir Kazim Cəloli bə ico Maskva şərğədə bıə Jokofski nomo bıə şəhri aerokasmik beynəlxalğ nımoyeşqohku diyə kardışone, həminə mərosimədə 35 qılə İronıjə şirkətonku nımoyəndəon həm iştirok kardə bin.

Maks 2021 nomo aerakosmik beynəlxalğ nımoyeşqohədə İroni muxtəlif muasir texnoloqiya və təchizaton əcumlə muxtəlif dronon, vertəliyuton iyən təyarəon muhərrikon nımoiş doe bıdə.

Yasin iyən Fəcr nomo bıə təyyorə, Səba və Sorena nomo bıə helikupteronku təchizot iyən Muhacir və Kərror nomo bıə dronon həminə nımoyeşqohədə əcumlə çı İroni nımoiş doə məhsulonin.