Pars Today

İraği iminnə vəzir, Ğətəri əmir və İ Bıə Ərəb Əmirəti devləti rəyis, telefoniyə votımononədə bə Ğıbonə idi dəme mınosibəti xoto, bə İron İslom Respublika prezdent iyən millət təbrikə mesaj vığandışone.

Bə İrna raporti əsos, Ğətəri əmir, Şeyx Təmim İbne Həmd Ale Sani, İraği iminnə vəzir, Muhəmməd Şiyae Əlsodani və İ Bıə Ərəb Əmirəti devləti yol Şeyx Muhəmməd İbne Zayed Ale Nəhyan de Doktor Seyd İbreym Rəyisi telefoniyə təmasədə, bəy və bə İroni millət Ğıbonə idi dəme mınosibəti təbrik votışone.

Ğətəri əmir, İraği iminnə vəzir və İ Bıə Ərəb Əmirəti devləti yol ım votımononədə de İron İslom Respublika həmmə rabitəon inkişof və zumandəti tələb kardışone.