Rəyisi: muxtəlifə baxşonədə İroni inkişofi prosses əlovə bıə
İron İslom Respublika prezde3nt votışe: iğtisodi, ictimai iyən mədəni baxşonədə vey rə İron unkişofi royədəy.
Bə İran Peres aqentiyəti raporti əsos, Çoşəmbə şəvədə İron İslom Respublika prezdent, Seyd İbreym rəyisi bə İroni şərğ, Cənubi Xorasan ostani cərəyonədə ım ostani kali alimon, cımə imomon vindemoni cərəyonədə bəyonış kardə: İron İslom Respublika təsis bey iyən inkişofi dıvrəonədə vey cəhdon əncom bıə ki İroni İslomi inkişofədə mane icod bıbu, əv ijən əlovəş kardə: deşmonon ki diyə kardışone həminə maneon iyən problemon vıcudi İron İslom Respublika co qılə millətonro ulqu bıə və sanksiyaon və təziğon bə fırsət əvəzış kardə iyən muxtəlifə baxşonədə bə inkişof rəsey holədəy, bə iğtişoş icod kardey səmt şeydən.
İron İslom Respublika prezdent ijən təsdiğış kardə: ımrujnə canq, irodəon canqe və deşmonon ım məsələ dumoədən ki mediya baxşonədə de dərk iyən fəhm soxtey vositə ıştə irodəon bə əmə icbor bıkon, əmmo İroni millət jəqo ki tosə ısət deşmonon xəbisə planon vədə səbaz bin, tojədən həm ım meydonədə ğoym surət səbarz bəben.
Çoşəmbə sıbədə İron İslom Respublika Seyd İbreym Rəyisi bə Bircəndi Şəhid Kavə beynəlxalğə ayirport varid bıə və ım ostani rəsmi şəxson çəy və şin.
