De Fələstınıjə hırdənon həmrayəti ruji mınosibəti
De Fələstınıjə hırdənon həmrayəti ruji mınosibəti
De Fələstınıjə hırdənon həmrayəti ruji mınosibəti
23 sor çımi bənav Milodi 2000-ə sori sentyabrə manqi siminə ruji (1379 həşi sori Mehrə manqi 9)de Dıminə İntifozə (Ələğsa İntifozə) bino bıey Məhəmməd Əddurə nomo qıləy fələstınıjə nevcıvon de pı bə ico iyən hiççiku qıləy xəbəş nıbə holədə çe Ğəzzə vıjoriku de maşini bəştə kə oqardə zəmonədə seonist rejimi hərbiçiyon binoşon karde bəvon qullə ğandey.Məhəmməd ki,ıştə pı peştono məxfi bıəbe tayinki,çe seonist rejimi hərbiçiyon ğandə qulləonku əmonədə bımando,əmmo de həmonə seonist rejimi hərbiçiyon ğandə qulləon təvəssuti əv bə şəhodəti məğami rəse.çe sehyoniston ın vəhşiyonə hərəkət qıləy holədə be ki,televiziya şəbəkə iyən kanalon çəvon ın hərəkətışon bə bəşəri zidd qıləy əməlışon zıne.Əddurə iyən çəy pı dırozə mıddətədə bə seonist rejimi hərbiçiyon sərostə formədə ğandə qulləon məruz mandin.
Məhəmməd Əddurə şəhodəti ruji de İron İslom Respublikə Mədəni İnğılobi Ali Şurə təvəssuti de fələstınıjə hırdənon iyən nevcıvonon həmrayəti ruji unvoni elon kardey bədiqə,ınruj bənə İronıjə şoqirdon çe dınyo imperyalistonku şikoyəti simvoli unvoni iyən bə İronıj və coqlə kişfəron şoqirdon de fələstınıjə mıborizə nevcıvon iyən hırdənon həmrayəti ruji təbdil be......
Pesoxtə bıə seonist rejim Fələstınədə hejo ıştə ğeyri-ğanuniyə huzuri sıftəku dayima de həmməysə vəhşiyonə şivə və hərəkəton de Fələstıni milləti məxsusən de mıborizə fələstınıjə hırdənon iyən nevcıvonon rəftorışon kardə.çımisə əlovə haruj seonist rejimi hərbiçiyon fələstınıjə hırdənon iyən nevcıvonon bə şəhodəti məğami rosneydən,həmçinin israyili rejim qıləy hırdə baxşədə oqətə və çəvon hətto bo şıey-omey iyən hıteyro kifoyət ğədərədə vırəşon nıbə bə fələstınıjə əsirə hırdənon zılmon kardedən.sehyoniston həmçinin sinnışon kam bıə hırdənon mıhokimə kardedən iyən çəvon xıyzonon deəvon vindemoni vəy həm qəteydən.
Bə mıntəşir bıə oxonə xəbon əsos,Ğudsi işğalgərə rejim 231 iqlə fələstınıjə hırdənonsə veyə hırdən bə məhkəmə səmt şıkırney bıə və 100 qıləsə ziyodə hırdən həm ısət ıştə mıhokimə çəş kardə və intizori holədən.qıləy holədə ki,beynəlxalğə onemonon hırdənon həxon mıdofiyə bənə valideyni de sıxani tənbih kardey bıə cuzi məsələon cinoyət zıneydəbin və çe seonist rejimi bənə fələstınıjə hırdənon kıştey iyən əvoni əsir kardey bıə vəhşiyonə hərəkəton mığobilədə sukut kardedəbin iyən tam jeydəbin.
Mınosibe bızınəmon ki,milodi 2000-ə soriku de tobə ısət ki,Əddulə şəhodət bə ğəsbkorə sehyoniston ələyh mıborizədə Fələstıni milləti məxsusən bə mıborizə hırdənon iyən nevcıvonon iştiroki simvoli təbdil bıə.Ğəzzə tanqə iyən İordan ru kəno sakin bıə de tobə ısət 2500 fələstınıjə hırdən de seonist rejimi hərbiçiyon vositə bə şəhodəti məğami rəsən....
