Rəyisi votışe: Fələstini muğavimət, deşmonon ociz kardəşe
İron İslom Respublika prezdent votışe: Fələstini milləti muğavimət, deşmonon ociz kardəşe.
Bə İrna raporti əsos, zinə və Tehroni cənub ğərbədə Pərənd nomo tojə şəhri metro mandəco oj bemoni mərosimədə, İron İslom Respublika prezdent, Seyd İbreym Rəyisi bəyonış kardə: ə çi ki ımruj Fələstinədə vindeydəmon muğavimə milləti izzət iyən iğtidore ki çəvon muğavimət deşmoni ociz kardəşe, əv ijən əlovəş kardə: i tərəfiku, hırdənon və jenon ğətli-am kardey, muğaviməti mıcohidon vədə, sionist rejimi ocizəti nışonəy və co tərəfiku sionist rejimiku hevuj və nığılə nifrət bois bəbe ki dınyo çəşon vədə 5 həzo nəfəriku vey məzlum, be mudafiə və be qınohə hırdənon şəhid kardışone.
Rəyisi ijən deşmoni təziğon vədə, İroni milləti muğavimt həm sitoyeş və təsdiğış kardə: inkişofoni ki ımruj əvoni şoydimon, İroni milləti muğaviməti nəticəy, ım inkişofon de cihod və bəsici ruhiyə, bə əncom bıə ko iyən cəhdon Xıdovəndi bərəkəti nəticəy.
