Qeneral Səlami: hiç kəs bə İron təcavuz kardey ciqəş ni
İslomi İnğilobi Sepah Təşkilati həmmə komandir votışe: hiç kəs bə ,İroni sərzəmin və millət təcavuz kardey ciqəş ni.
Bə İrna raporti əsos, Imruj Pencşəmbə rujədə və İroni şimol ğərb Şərği Azərbaycan ostani 10 həzo şəhidi yolqətey mərosimədə İslomi İnğilobi Sepah təşkilati həmmə komandir qeneral Huseyn səlami de bəyon ım ki islomi İroni iğtidor, şəhidon əbədiyə mirase ijən əlovəş kardə: şəhidon, İroni bə fəxrini ğullə pikədə rosnişone.
Qeneral Səlami ijən işorəş kardə ki deşmonon ijən ım məsəl dumoədən ki mısılmonə milləton ıştə həxonku məhrum bıkon, əv ijən votışe: əvon pidəşone bənə Fələstin mısılmonə sərzəminon işğol bıkon çəy nımunə həm bə Ğəzzə həmlə kardey iyən ım sərzəmini bombardımon kardeye.
İslomi İnğilobi Sepah Təşkilati həmmə komandir bə noxəşxonəon, xıdmət rosniye və jimoni vırəon sionist rejimi həmləon məhkum kardey bəpeşt ijən əlovəş kardə: hırdənəkıştəti, sionist rejimi fəxine və sionist rejim ıştən səbarzəti, hırdənon, milləton, piə odəmon şəhid kardeyədə zıneydən.
