Rəyisi: DAEŞ bənə sioniston, beqınoə ğətli-ami dumoədəy
İron İslom Respublika prezdent de Tacikistoni milli parlamenti vindemonədə təkidış kardə: DAEŞ bənə sioniston, beqınoə ğətli-ami dumoədəy.
Deşəmbə rujədə İron İslom Respublika prezdent, Seyed İbreym Rəyisi de Tacikistoni milli parlamenti sədr, Rostəm İmom Əli vindemon və votımonış kardə.
Rəyisi ım vindemonədə votışe: DAEŞ təkfiriyə qrup, de Amerkə və sionist rejimi vositə prosniye bıə və bənə sioniston Ğəzzədə beqınohə jenon və hırdənon ğətli-am kardey dumoədəy.
Bə Tele-Rədio aqentiyəti raporti əsos, ım vindemonədə Rəyisi, dəvardə 2 sori mıddətədə Tehron-Deşəmbə rabitəon hevujəti prosesi vey çok zınəşe və bəyonış kardə: 2 qılə kişvəri parlamenton həmkoətion hevujəti, muhimm və siyosi v iğtisodi həmkoətion himoyə bə hisob omeydə. Rəyisi ijən bə mədəni rabitəon inkişof və zumandəti təkidış kardə.
Prezdent həmçınin de "terrorizm, mutəşəkilə cinoyəton və narkiton maddon" mobarizə bardey, İron və Tacikistoni həmkoətion vey muhimmə baxşonku zınəşe və de işorə bə 2 qılə kişvəri mıştərəkə məsələon bənə Əfğanıston iyən de terrorizmi cərəyonon əcumlə DAEŞ, bə məntəğə həmmə kişvəron əktivə mubarizə bardey zərurət təkidış kardə və votışe: ım təkfiri qrup, de Amerkə və sionist rejimi vositə prosniyə bıə və bənə sioniston Ğəzzədə beqınohə jenon və hırdənon ğətli-am kardey dumoədəy.
Im vindemonədə ijən Tacikistoni milli parlamenti yol dəvardə 2 sori mıddətədə, İron və Tacikistoni ticorəti miğdori əlovə bey vədə, məntəğədə noəmnion 2 qılə kişvəriro vey niqəroninə məsələ zınəşe.
Rostəm İmoməli ijən Fələstini mıstəğilə devləti icod beyku ıştə kişvəri himoyə elonış kardə və Ğəzzədə 23 həzo nəfəriku vey Fələstinıjə molki şəxson şəhid kardeyədə sioniston cinoyəti məhkumış kardə.
