حمله مجدد آمریکا و بریتانیا به یمن
Bə Yəmən Bıritaniyə iyən Amerkə ijən hucum kardey
AİŞ iyən İngiltərə bə Yəməni ijən hucumışon kardə-bə Mediya mənbəon işambə ruji şəvi zəmonədə AİŞ və Yolə Britaniyə Yəməndə bıə mevğeyon sənibəton hucum kardeyko xəbəşon doə
AİŞ iyən İngiltərə bə Yəməni ijən hucumışon kardə-bə Mediya mənbəon işambə ruji şəvi zəmonədə AİŞ və Yolə Britaniyə Yəməndə bıə mevğeyon sənibəton hucum kardeyko xəbəşon doə.Yəməni Səba xəbə agentəti AİŞ və Yolə Britaniyə Yəməni ğərbədə bə Hudeydə sohili əyolətədə bıə Cəbəl-Cəda məntəğə bə hədəfi məruz mandeyış bəyon kardə.Əl-Məyadin şəbəkə həmçinin çı Yəməni Hudeydə əyoləti səmoədə Amerkə canqi və casus təyyorəon rə-rə pəremononku xəbəşon doə.Hələki de ın həmlə əloğədor ətrofınə məlumot doey bıəni.AİŞ və Yolə Britaniyə yanvari 12-ə ruji sıbi saatonədə bə Yəməni ləşkəri mevğelyon beğanunə hucumonış bino kardə.Yəməni ləşkəri de qıləy bəyonati AİŞ və Yolə Britaniyə çı Yəməni çandə qılə əyoləton 73 dəfə hədəf sıey və nəticədə çın məmləkəti 5 qılə əskəri şəhid bıey,əmo 6 əsgəri zəxmin bıey bəyonış kardə.ın hucumon tosə pəynə şanbə ruji sıbi zəmonon dəvomış kardə.ın hucumon bə seonist rejimi dastək məğsədi və seonist rejimi Ğəzzə tanqə ələyh cinoyəton cəvob doə holədə oxonə haftəonədə bə israyili şirkəton ayid bıə və ya bə ın rejimi porton səmt hərəkət kardə kəştiyon zidd çı Yəməni tərəfiku dəvordınə bıə çand qılə əməliyyotdi bədiqə əncom doey bıə.Yəməni ləşkər oxonə haftəonədə Ğəzzə tanqədə bə məzlumə Fələstini milləti dastək bıə holədə Sıə dıyo və Bab əl-Məndəb lukədə bə işğal bıə əraziyon şıə çandə qılə seonistə kəştiş bə hədəfış qətə.Yəməni ləşkər çımi bənav bəyonış kardə ki, əvon, fəğət bə işğal bıə əraziyon şıə və bə seonist rejimi koməq kardero hərəkət kardə kəştiyon hədəf qəteydə və coqlə kəştiyon hərəkət ozod və əmniyyətine.bə Beynəlxalğə Valyuta Fond bın nezonədə bəyon kardə statistikə məlumoti əsos,çı Suveyş kanali tranziti mığdor 28% bəkam bıə.Amerka sbənə çe seonist rejimi əsos himoyədori unvoni i mıddət çımi bənav bə Yəməni ləşkəri Sıə dıyoədə bıə əməliyyoton zidd beşeyro 20 kişfəri daxil bıə dıyo koalisiyə icodi kardey iddioş karde.Lakin bənə Fransə,İspaniyə,İtaliyə və Avstraliyə bıə kişfəron çın koalisiyaku xaric bin və əvon ıştə hərbi kəştiyonışon bə Amerkə komandanəti doeyku imtino kardeşone.hətto Hollandiyə və Norveç həm fəğət çandə qılə hərbi zabit vığandeyışon bəyon karde.bə ın dıyo ittifoği bənə Səudiyyə Ərəbıstoni və İƏƏ regioni kişfəron qıləy sardə cəvobışon doe və oxonə vaxtonədə Misir həm bə ibemoni anqıl qıneyku imtinoş kardə.
