Rəhbəriyyəti nəzə
Rəhbəriyyəti nəzə
Rəhbəriyyəti nəzə
Dışambə ruji,1402-ə sori bəhmənə manqi 16-ə ruji (5 fevral 2024-ə sori) İron İslom Respublikə Hərbi Həvo Ğıvvon 1qrup komandiron de İron İslom İnğılobi rəhbəri Ayətullah Xamenei dido kardəşone.ın məclis bənə hasornə,çe 1357-ə sori bəhmənə manqi 19-ə ruji hodisə bəyod dənoey munasibəti bərpo be.Həmonə ruji Hərbi Həvo Ğıvvon həmkoonku kali qıləyniyon bə İmom Xomeyni(r.a) beyət kardə holədə bə inğılobi umuj qınin.bın vindemonədə həzrət Ayətullah Xameneyi həmonə hodisə bəştə yod vardə holədə,ə hərəkotış inğılobı surətin kardə roli bıə qıləy ğəşənqə hodisəş hisob karde.hejo həmonə sori bəhmənə manqi 20 iyən 21-ə rujon çı şah qvardiyə hərbi həvo ğıvvon bə təlimi vırə hucumi və çı həvo ğıvvon unsuron bəçəvon ələyh mığaviməti bədiqə çe cəbbəxonə iyən silohxonə bə ojbe və camaat,cıvonon və inğılobi unsuron siloh pevolo kardə holədə bə meydon və sahə daxil bin və bəhmənə manqi 22-ə ruji de inğılobi həvo ğıvvon koməqi ğalib omin.İron İslom İnğılobi rəhbər həvo ğıvvon çi milləti umu iyən cəsorətiış ziyod karde və bə anti-inğılobə kəson ruhiyyəş zəyifış karde.
Yolə Rəhbəri bəyonışon karde ki,çın iminə qəmi bədiqə həvo ğıvvon ləşkəri nəzdədə iminə təşkiloti be ki,ıştəni təmin kardə cihodi təşkilot bəvədə bə formə dəşe.çe cəsorət,ğabiliyyət və ağli zuku bə əməl omə Hərbi Həvo Ğıvvon fəalə elementon texnikə və cihozon ıştəni təmin kardey və zədə vində hissəon dırıst kardey fiki vodor kardə fəoliyyəti ruf,çı Amerkə texnologiyə mırəkkəbə sırron boştə ruşin kardero bıə ruf: “tosə ə ruji bəvon ımi əncom doey icozə doey beydənıbe... çın yolə ğədəmi bənav əslədə tobə ın hərəkəti həvo ğıvvon təmomən bə amerkəvıjon məxsus be.Bəle,həvo ğıvvonədə həm veyə dini unsuron hestebe,əmmo ğıvvon yolon bə Amerkə məxsus be.ləşkəri cihozon, canqəkəyon və ləşkərədə bıə digər təchizit iyən aparaton bə Amerkə məxsus be...İroni çəy pulış doəbe və hıriyəşbe;lakin çəy səlohiyyət çı AİŞ-I dastədə be.çı komandiron səlahiyyəti həm çı AİŞ-ın dastədə be...Hərbi Həvo Ğıvvon sadığə unsuron ın həvo ğıvvonış çı amerkəvıjiku bə ironıjiş təbdil karde.çe ironi Hərbi Həvo Ğıvvon be;komandirış ironıje,unsuron ironıje,ğəror doəkəson ironıje,təchizitin çe ironiye.Bəle, Amerkədə hozzı kardə bıə,əmmo çı İroni be,həni bəy dast jıey curətışon nıbe.Hərbi Həvo Ğıvvon xususi vəziyyətədə çe İnğılobi səbarzəti surət doə çi iyən ğıvvon və bə ləşkəri çe cokəsonku bıə şıkrə mandey bırniye surətışon doe…..
Bə Həzrət Ayətullah Xameneyinin sıxanon əsos,har an və ləzə bə surətin kardey niyoz iyən ehtiyoc heste.dıjd və bə məğsədi əsos bıə hərəkəton vey vaxti çe surətiku mandedə iyən langedə.şımə bə dınyoədə bə əməl omə veyə inğılobon nəzə səğandon bəvindiyon ki,əvon de nığıl və əsosə əvəzon niyyəti bə həyot dəvordıney beydə,lakin çandə soron bədiqə eyni vəzyət ijən sənibəton təkror beydə.iştimiyi hərəkoton zəyifəti,mandey iyən bə dumo oqardey bəloonku əziyyət kəşeydə.ehyanə ın hərəkət dəvom pəyduko,qıləy surət doə stimul lozıme.Ə həzrəti demi əloğədor bəyonış kardə: “həlbəttə,iyo İslomi İnğılobədə çe coqlə vıronku əsosinə farğış heste.İslomi İnğılobi ıştə daxilədə cozibəş bıə qıləy çiş heste və ın cozibə yol bıey cəlb kardedə; çe İslomi Respublikə hədəfon,metodon və tələbon hevuje.İslomi Respublikə həmməysə saxtə sahəonədə bə zulmi ələyh mubarizə bardedə,de zolımi mubarizə və dınyo səviyyədə de dınyo iminə dərəcədə bıə zu tətbiğ kardə ğoldoron mıborizə. İbodətgohon və Cəmkərani məçit və Əhyoə şəvon və Ərbəyini şemonış heste və Rəcəbə manqi etıkof.Çe koy hevujəti mışohidəkənən.bə zılmi zidd mubarizə heste,de nəfsi mubarizə həm heste,bə məmləkəti vəoməyə dınyo həm qıləy dığğət heste.bə Xıdo,bə mənəviyyoti,bə zikri,bə cənnəti və sayirə.Im ıştən çe rubey əvəzi bə perəsey boyis beydə.bəpe kındəti bə əməl nıvo və ya vey kam bə əməl boy.voteyım piyedəni ki,[kındəti] nibəbe,əmmo İslomi İnğılobi mohiyyəti ıştə dıldə jıqo qıləy təbyətış heste…..
