Qvardiya general-mayor Məhəmməd Rıza Zahidi iyən deəy bə ico bıə kəson şəhodəti bədiqə İnğılobi lideri səbəsəloməti
Qvardiya general-mayor Məhəmməd Rıza Zahidi iyən deəy bə ico bıə kəson şəhodəti bədiqə İnğılobi lideri səbəsəloməti
Qvardiya general-mayor Məhəmməd Rıza Zahidi iyən deəy bə ico bıə kəson şəhodəti bədiqə İnğılobi lideri səbəsəloməti mesajı;seonist rejimi bə jıqo iyən bənə ımi bıə cinoyəton xoto peşmon bəkardemon. General-mayor Məhəmməd Rıza Zahidi və deəy bıə i qrupi şəhodəti bədiqə İslomi İnğılobi Yolə Rəhbəri təkidışon kardə: bə şərə rejimi deçəmə şucoətinə ləşkəri dasti cəzo doey bəbe və əmə əvoni bə ın cinoyəti xoto peşmon bəkardemon.
bə İran Mətbuat Xəbə Agentəti məlumoti əsos,İslomi İnğılobi Ali Rəhbər Həzrət Ayətullah Xameneyi de qvardiya general-mayor Məhəmməd Rıza Zahidi və deəy bıə i qrupi de ğəsbkoron dasti şəhodəti mınosibəti bıə ıştə muraciyətədə votəşe:əmə de Xıdo izni əvoni çın cinoyəton əncom doeyku peşmon bəkardemon.İslomi İnğılobi Ali Məğaminə Rəhbəri mesaji mətn bın şikilədəy:
De Xıdo nomi.İslomi fədayi,general-mayor Məhəmməd Rıza Zahidi, deştə mehtərəmə həmrəzm bıə Sərdor Məhəmməd Hadi Hoci Rəhimi bə ico ğəsbkor iyən mənfurə seonist rejimi cinoyəti nəticədə şəhid bıən.Xıdo iyən çəy evliyalon səlomı və rəhmət çəvon iyən bə bın hodisə co şəhidon peyo bıbu.bə zolım və təcavuzkorə rejimi sərdoron lənət bıbu.çəmə Şəhidon ıştə dırozə mıcodilə ğəbuli nışonəşon mərhəmətinə Xıdokuşon se və ısət əvon çe evliya iyən suləha əhotədə bə Xıdo lutfi rəsən. Sərdar Zahedi şestminə soronədə çı təhlukə və muborizə meydononədə şəhidəti çəş kardedəbe.əvon hiç çi qim nıkardeşone və ıştə mukofot seşone,lakin çəvon nıbey ğəm bo İroni milləti,xususən bo əvoni zınə kəson vey qone.şərə rejim deçəmə şucoətinə ləşkəri dasti ıştə cəzo bəstənen.de Xıdo əmə əvoni jıqo iyən bənə ımi bıə cinoyətonku peşmon bəkardemon.
