Məsihi sehyonizmi hərəkot
Məsihi sehyonizmi hərəkot
Məsihi sehyonizmi hərəkot
Məsihi sehyonizmi hərəkot çe sehyonist rejimi bə Ğəzzə tanqə həmlə bədiqə,umudəvo be ki,çe İroni po bə sehyonist rejimi ələyh canqi oj bıbu.sehyonist rejimi bə İroni Dəməşğədə bıə konsuləti bina çandə vaxt çımi bənav bıə terroristə həmlədə həm evanqeliston ya həmonə xristiyanə sehyoniston bo İroni de sehyonist rejimi mıstəğim iyən sərostə formədə bıə dimbədim omeyro bıə iştəhoşon ziyod be.
Məsihi sehyonizmi hərəkoti nəzəriyyəçiyon çe İroni bə təcavuzkorə sehyonist rejimi bə çın kişfəri Dəməşğədə bıə konsuləti bina terroristə həmləşon çe İncili oxorızzəmoni həxədə bıə canqi mısdoğ iyən nımunəşon hisob karde.
Mınosibe ki,bızınəmon xristiyanə sehyoniston veyni 1948-ə milodi sori pesoxtə bıə sehyonist rejimi təsisi ki,təxminən de 750 həzo fələstınıji ixraci bə oxo rəse,bənə mığəddəsə kitobi naviku doə və`də real bıey unvoni zıneydən.
sehyonist rejimi rujnoməonku qıləyni bıə haarets milodi 2024-ə sori aprelə manqi 16-ə ruji torıxədə bıə ıştə “İroni həmlə çe netanyahu evanqelistə mıttəfiğon bo oxorızzəmoniro bıə iştəhoş ziyod karde” unvonədə bıə hisobotədə jıqoş nıvıştə:qıləy holədə ki,əksər sehyoniston ijən səy kardedən çe İroni bə işğal bıə əraziyon bıə hucumi şəvi ıştə xotırəonku bekon və de norohətçəti çəş kardedən ta ziddiyyəti proses oqətey bıbu,ziyodə kəson çandə həzo kilometr bətərəf de qıləy məzhəbiyə həroət iyən həyəconi bə ın niqəronəkə hodisəon nəzə kardedən.bın hisobotədə omə ki,netanyahu devləti himoyədoron yəni “israyili duston” iyən evanqilistə məsihiyon çe İroni həmləku I ruj bədiqə de Amerkə Konqresi bina vədə iştiroki çın Konqresi uzvonku tələb kardeşone ki,bo ziyodə ziddiyyəon vəy qəteyro qıləy hərəkət bıkon.
Bəle,dırıst iyən səhih məseyone.çe İron iyən sehyonist rejimi miyono bo ziyodə ziddiyyəon vəy qəteyro qıləy hərəkət bıkon.
Xristiyanə sehyonistə aktiviston jıqo hisob kardedən ki,yəhudiyon çe mığəddəsə kitobi sərzəmini kontrol iyən nəzorəti bə dast bəvardeyn iyən çı dınyo oxo bə ərməğon bəvardeyn.bə ın radikalə dastə bovə əsos,qıləy zəmon ki,məsihiyon bə nicoti bərəseyn,ğeyri-məsihiyon min cumlə mısılımınon iyən yəhudiyon məhfo-nobud bəbeyn.
Məsihi sehyonizmi hərəkot çand sorone ki,deştə qırd ğıvvə Amerkə Konqresədə bo sehyonist rejimi nəf iyən xəyri lobbiçəti kardedən.ın qrup bo sehyonist rejimi himoyəro şemonon bərpo kardedən iyən deştə fərdon bə amerkə zu strukturi daxil kardey,ıştə bə tel-avivi nəf iyən xəyri ğərolon bekardeyədə bıə nufuzi vey kardedə.
In dastə deştə çandə qılə kilsəon bə ico,çe iştimoyi fikon peyo ko kardedən iyən bo sehyonist rejimi eksponsionist siyosəton dəvomiro maddi vəsayit qırdə kardedən.
Xristiyanə sehyoniston rəhbəron hejo çe Fələstınıjon mığoviməti bənə antisemitizmi simvoli unvoni təğdım kardedən.joqo ki,oxonə rujonədə Con Hanqi Bo israyiliro bıə Mıttəfiğə Məsihiyon (CUFİ) rəyis iyən təsisəkə ki,ın onemon amerkədə çe sehyonist rejimi həmməysə dıjdə lobbiyə qrup bə hisob omeydə,ıştə Tvittədə nıvıştəşe ki,Orşəlim(Yerusəlim)iyən israyil bə yəhudi milləti ayide.əv bın tvittədə məsihiyon təşviğ kardedə ki,çe”şəri mığobilədə bımandon” iyən ıştə bə israyili bıə “ğeyd və şərtış nıbə himoyə iyən eşği” nışon bıdon.
Mınosibe ki,bızınəmon məsihi sehyoniston çe trampi devləti həmməysə barzə məğaminə fərdon min cumlə devlətə katib iyən prezdneti mıovinon çəy prezdentəti zəmonədə devlətə depar tamentışon işğal karde.çe donald trampi ço sornə rəyisəti zəmonədə,bə sehyonist rejimi mığobilədə amerkə siyosətonədə rostə cinohi ziyodə əvəzon dınyo şoyd be.harçənd çı amerkə bə sehyonist rejimi bıə himoyəon fəğət bə trampi devrə məhdud ni iyən amerkə həmmə devlətonədə israyil iyən ın rejimi himoyə çe AİŞ iminə dərəcədə bıə siyosətonkuye.
