İroni Atom Enerji Təşkiloti rəhbər:Bədxahon İroni de Atom Enerji Aqentəti əloğəon kam əhəmiyyət cilvə doydən
İroni Atom Enerji Təşkiloti rəhbər:Bədxahon İroni de Atom Enerji Aqentəti əloğəon kam əhəmiyyət cilvə doydən
İroni Atom Enerji Təşkiloti rəhbər:Bədxahon İroni de Atom Enerji Aqentəti əloğəon kam əhəmiyyət cilvə doydən
İroni Atom Enerji Təşkiloti rəhbər:Bədxahon İroni de Atom Enerji Aqentəti əloğəon kam əhəmiyyət cilvə doydən.İroni Atom Enerji Təşkiloti rəhbəri bəyon kardəşe ki,bədxahon de behton iyən de xərobəkə ədəbiyyoti çe İroni Atom Enerji Aqentəti de Beynəlxalğə Atom Enerji Aqentəti bıə dıtərəfinə əloğəon kam erjin cilvə doydən.bə İRNA məlumoti əsos,İroni Atom Enerji Təşkiloti rəhbər Məhəmməd İslomi seşənbə ruji de Beynəlxalğə Atom Enerji Aqentəti sər director Rafael Qrossi beynəlxalğə konfransi çərçivədə dəvordınə mıştərəkə mətbuat konfransədə İsfahanədə bərpo bıə çe İroni nuvə elmon iyən texnoloqiyəon sahədə iminə konfransədə çı Aqentəti sər directori İronədə beyış elon karde.İslomi əlovəş karde ki,İron AMFP-iku xaric bıəni,lakin Amerkə çın beynəlxalğə mığoviləku beşə və bəştə ehdəmoni əməl kardedəni və bə co kişfəron,ə cumlə bə seqlə Avropə kişfəron həm bəştə ehdəmonon əməl kardey imkoni doydəni.
İroni Atom Enerji Təşkiloti rəhbəri bəyon kardəşe ki,İron de çokə niyyəti AMFP-də mandə və i tərəfinə ğaydədə bəştə ehdəmonon əməl kardəşe və ısət həm bə AMFP-i 26-ə maddə əsosən ıştə ehdəmononış bəkam kardə.Rafael Qrossi həmçinin bəyon kardəşe ki, zinəku jıqoşə əv,de İroni sər mızokirəkə və de xarici koon vəziri vey çox muhimmə dido dəvordınəşe və de İroni rəsmiyon dı tərəfinə əloğəon bino kardey iyən zumand kardey barədə fiki mıbodilə bardəşe.Beynəlxalğə Atom Enerji Aqentəti sər director bəyon kardəşe ki,İroni de Aqentəti miyono monitorinq və təminot sahədə həmkoəti səviyyə barədə fiki mıbodilə bardə bıə və əmandə məsələon həl kardey həm,çe har dıqlə tərəfiku səy və ciddiyə qəmon tələb kardedə.
