İroni İMT-ədə bıə səfiri çı seonist rejimi anti Tehroni iddionış rəd kardə
İron İslom Respublikə İMT-də bıə nımoyəndə bə Əmniyyət Şurə unvon kardə nomədə çı seonist rejimi bə İroni zidd iddiyonış rədd kardə və votəşe:İron mıxtəlifə sahəonədə deştə konstruktivə iştiroki beynəlxalğə sulh və əmniyyəti təşviğədə fəolə rolış ifo kardə.
Bə Tele-Rədyo xəbə aqentəti doə məlumoti əsos,İron İslom Respublikə İMT-də bıə səfir iyən dayimi nımoyəndə Əmir Səyid İrəvani zinə seşambə ruji,bə Əmniyyət Şurə unvon kardə ıştə məktubədə çe İron İslom Respublikə bə sehyonist rejimi İMT-ədə bıə nımoyəndə 19 aprel 2024-sori torixədə bıə nomə cəvobən bəyon kardəşe ki,İron İslom Respublikə bın məktubədə bıə qırd beəsosə ittihomon oşkoə şikilədə və de ğətiyyəti rədd kardedə və ın cur beəsosə iddiyon əks,dəvominə formədə bə beynəlxalğə həxon rioyət kardedə,bə İMT Nizomnomə prinsipon iyən bəçəy Əmniyyət Şurə bekardə ğətnoməon əməl kardedə.İrəvani votəşe:sehyonist rejimi İMT-ədə bıə nımoyəndə de duyə məlumoton ısət nevbəynə dəfə bə İron İslom Respublikə zidd beəsosə ittihomon ğandedə.
İroni İMT-də bıə nımoyəndə əlovəş kardə:İron İslom Respublikə 13 və 30 aprel 2024-ə sori torixədə ıştə sıftənə nıvıştəyonədə (S/2024/305-S/2024/349)oşkoə şikilədə bəyonış kardə ki,İroni bə seoniston ələyh bilavositə fəoliyyətış de çın rejimi dayimi hərbi əməliyyoton,xususən həm 2024-ə sori apreli 1-də Suriyə poytaxt Dəməşğədə bə İroni diplomatikə obyekton ələyh hərbi hucumış real bıə və bə əməlış vardə.sehyonist rejim nevbəynə dəfə 2024-ə sori apreli 1-də dışambə rujibə ruji İroni Dəməşğədə bıə konsuləti şebə hucum kardə holədə,İroni 7 qılə barzə səviyyəynə hərbi mışoviri şəhodəti səbəb bıə terrorə həmləş karde.
İslomi İnğılobi Muhafizə Korpus işambə ruji (14 aprel) şəvi nimədə bə işğal bıə əraziyon pilotə təyyorəon iyən rəketonku otəş ğandə holədə bə təcavuzkorə rejimi cəzo doeyro səyışon kardə.İrəvani bın nomədə həmçinin votəşe:İron İslom Respublikə bə seonist rejimi zidd hərəkət zəruri,ğanuni iyən çe İMT Nizomnomə çərçivədə de ıştəni mıdofiyə kardey həxon təmomən mıtobiğ iyən bobe.
İroni İMT-də bıə nımoyəndə əlovəş kardə ki,çe mığovimət qruponku hiç qıləyni çe İron İslom Respublikə bın ğanuni hərəkətədə iştirok kardəşni və demi anqıl har qıləy iddiyo rədd kardey beydə