Şəhid Ayətullah Rəyisi iyən Şəhid Əmirəbdullahiyan Beynəlxalğə arenədə bıə rol
Şəhid Ayətullah Rəyisi iyən Şəhid Əmirəbdullahiyan Beynəlxalğə arenədə bıə rol
Şəhid Seyd İbreym Rəyisi iyən Şəhid Əmirəbdullahiyan çe İroni xarici siyosəton nuyə nəzə bənav bardey iyən izohi koyədə,vey həssos iyən təsirinə rolışon ifo kardə.min cumlə Şəhid Seyd İbreym Rəyisi bın zəminədə bıə hərəkətonku bəpe bəçəy bə Nyu-Yorki səfəon iyən çe İMT sər Assambleya hasornə sammitədə iştirok iyən əyo de bə məntəğə iyən dınyo muhimmə məsələon işorə kardey,çe İroni İslomi Respublikə nəzəon bəyon kardəşone.çəy dəvardə 2023-ə milodi sori dekabrə manqi,çe İMT sər Assambleya oxonə sammitədə bıə huzur iyən iştirokədə,Əv,bə mıxtəlifə qlobal məsələon işorəşon karde.
Şəhid Rəyisi bə mıxtəlifə məsələon,ə cumlə bə İsloməfobiyə iyən mədəni aparteidi,bə xıyzoni roli əhəmiyyəti iyən bə dınyo bənə Amerkə kardey loyihə dəboxtey işorə kardə holədə,təkidışon karde ki,əmə torıxıku qıləy tale həlləkə həssosə devrədə ğərolımon qətə.bəçəy votey əsos,dınyo əvəz bıə holədə iyən bə tojə zohir bıə beynəlxalğə nizomi səmt hərəkədəy və ın ro oqardənin ni.
Şəhid Rəyisi reqiyonal məsələon məxsusən çe Ğəzzə canqi mevzu həxədə həm sıxanonış votə iyən təkidışon kardə ki,de sehyonist rejimi təvəssuti Fələstıni qırd,Livan iyən Suriyə iqlə baxşi işğal kardey və Fələstıni milləti çəvon qırd zoti iyən təbiyiə həxonku məhrum kardey,məxsusən çəvon de Beytul-Mığəddəsi poytaxtəti qıləy Fələstıni devləti təşkil kardeyədə ki,ım ko bə sehyonist rejimi təcavuz iyən cinoyəton hevujəti və həmçinin bə məntəğə sayir kişfəron təhdidi səbəb bıə.
Əy,ıştə sıxanon oxoyədə təkidışon kardə ki,”bəşər bə qıləy nuyə orbiti daxil bıə holədəy.kanə ğudrəton ısət tənəzzul kardə holədən.əvon dəvardəyonin iyən əmə vəomədə bıəyon.təkror kardedəm ki,əvon dəvardəyonin iyən əmə ayəndədə bıəyon”.
Eyni holədə Şəhid Rəyisi xarici səfəon iyən çəy reqiyonal iyən beynəlxalğə sammitonədə bıə iştirok,yəni bənə Şanxay Həmkoəti Təşkilot,Kaspi dıyo Kəni Kişfəron Yolon İclos iyən bə mıxtəlifə kişfəron səfə ısət çe hamsuyə kişfər bıbu və ya bənə Rusiyə,Venesuela iyən Kuba bıə məntəğəku xaric bıə kişfəron bıbu,çe İroni de ın kişfəron rabitəon hevuj kardeyədə muhimmə rol və həmçinin çe İroni İslomi Respublikə mevğıyyət iyən nəzəon izohədə həm iyən çe İroni xarici hədəfon hevujəti iyən mənafeyon muhafizədə muhimmə rolışon ifo kardə.
