Aşurə ruji,İslomi İron,çe Əba Əbdullahul-Huseyni(ə)matəm və əzo dılədə ğərğ bıə

Aşurə ruji,İslomi İron,çe Əba Əbdullahul-Huseyni(ə)matəm və əzo dılədə ğərğ bıə.

Aşurə ruji,İslomi İron,çe Əba Əbdullahul-Huseyni(ə)matəm və əzo dılədə ğərğ bıə. De Huseyni Aşurə rəsə zəmoni eyni vaxtədə qırd İslomi İron çe şəhidon sərvər bıə Həzrət Əba Əbdullahul-Huseyni(ə)matəmi dılədə nığılə huzn dəvordıneydən.ımruj 16 iyul 2024-ə sori,seşənbə ruji,Hicri-Ğəməri 1446-ə sori Məhərrəmə manqi daminə ruji,çe şəhidon rəhbər,çe dınyo şiəyon seminə imom bıə Həzrət Huseyni(ə) şəhodəti sorəqrdışe.

Bo Şiəyon Aşurə ruji,çe İmom Huseyni(ə)həğiği ğıyomi mənoədəy ki,Hicri-Ğəməri 61-ə sori bə əməl omə və Əba Əbdullahul-Huseyn(ə) iyən və çə həzrəti 72 sadığə səhobə şəhid bıən.ım ruj İslomi İroni əzodorə xalğ de Huseyni Aşurə eyni zəmonədə bə məçiton,Huseyniyyəon iyən bə təkyəon omuj qıniyedən,sinə və zəncir jıə dastəon icod kardə holədə nohə iyən rozə handedən və bo şəhidon sərvər Əba Əbdullahul-Huseyni(ə) iyən boçəy bəfodorinə əshobon əzodorəti kardedən,ğəmqin beydən iyən ıştə çəşon arson ru kardedən.İmom Huseyni(ə) ğıyomədə məğsəd dini ozavzovney be,bəhisob həm bın rujonədə hicri 61- ə sori de Aşurə ruji İmom Huseyni(ə)xotırə bəyod dənoey,Aşurə ruji de cəmoəti bə ico zuhri nımoj votey və Aşurə ziyorət handey beydə.